fbpx
Fimmtudagur 16.september 2021
Pressan

Prófessor segir að hugsanlega þurfi að gefa fólki þriðja skammtinn af bóluefni í haust

Kristján Kristjánsson
Mánudaginn 26. júlí 2021 07:00

mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

Bandarísk stjórnvöld eru farin að huga að því að gefa eldra fólki og fólki með veikburða ónæmiskerfi þriðja skammtinn af bóluefni gegn kórónuveirunni í haust og hafa keypt 200 milljónir skammta af bóluefninu frá Pfizer/BioNTech til viðbótar fyrri kaupum. Ali Mirazimi, prófessor við Karólínskustofnunina í Svíþjóð, segir að hugsanlega þurfi að fara þessa leið í Svíþjóð í haust.

„Við bíðum og sjáum. Kannski þarf þriðja skammtinn í haust,“ hefur Aftonbladet eftir honum.

New York Times segir að á síðustu vikum hafi orðið stefnubreyting hjá ríkisstjórn Joe Biden hvað varðar að gefa fólki auka skammt af bóluefnum og nú sé undirbúningur hafinn að því að gefa fólki þriðja skammtinn af bóluefni Pfizer/BioNTech og Moderna sem byggja bæði á mRNA-tækni. Blaðið segir að bandaríska smitsjúkdómastofnunin CDC sé nú að skoða hvort bjóða eigi öllum eldri en 65 ára auka skammt af bóluefni sem og þeim sem eru með veikburða ónæmiskerfi. Ástæðan fyrir þessu er að rannsókn hefur leitt í ljós að virkni bóluefnisins frá Pfizer/BioNTech minnkar eftir því sem lengra líður frá bólusetningu. Rannsóknir Pfizer sýna að í upphafi veiti bóluefnið 94% vernd gegn COVID-19 en hlutfallið minnki niður í 84% á fyrstu fjóru til sex mánuðunum eftir að fólk fær skammt númer tvö af bóluefninu.

Tölur frá Ísrael benda til að virknin minnki enn meira en þetta en nýjustu tölur frá heilbrigðisyfirvöldum þar í landi sýna að frá janúar til og með apríl veitti bóluefni Pfizer/BioNTech 95% vernd, það er þeim sem voru fyrstir til að vera bólusettir, en í júní og byrjun júlí var verndin komin niður í 39%.

New York Times segir að bóluefnið veiti þó enn um 90% vörn gegn alvarlegum veikindum og sjúkrahúsinnlögn.

Fyrir nokkrum vikum var byrjað að bjóða Ísraelsmönnum, sem eru með veikburða ónæmiskerfi, þriðja skammtinn af bóluefninu.

Ali Mirazimi sagði að hugsanlega þurfi að fara þessa leið í Svíþjóð. Það þurfi að bíða aðeins og sjá hver þróun mála verður, enn sé ekki vitað hversu lengi bóluefnin veiti góða vernd. Hann sagðist telja líklegt að framleiðendur bóluefnanna muni breyta þeim aðeins til að gera þau betur í stakk búin til að takast á við stökkbreytt afbrigði veirunnar, til dæmis Deltaafbrigðið sem er ráðandi víða um heim þessa dagana.

Talsmaður Pfizer sagði í apríl að líklega þurfi fólk að fá nýjan skammt af bóluefni þegar 6 til 12 mánuðir verða liðnir frá því að það fékk skammt númer tvö. Hann sagði einnig að hugsanlega þurfi að bólusetja fólk árlega gegn COVID-19. „Stökkbreyttu afbrigðin munu leika lykilhlutverk,“ sagði hann í samtali við CNBC.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Grikkir biðja ESB um stuðning til að verjast ágangi afganskra flóttamanna

Grikkir biðja ESB um stuðning til að verjast ágangi afganskra flóttamanna
Pressan
Fyrir 2 dögum

Lögðu hald á 1,5 tonn af kókaíni í lystisnekkju undan strönd Englands

Lögðu hald á 1,5 tonn af kókaíni í lystisnekkju undan strönd Englands
Pressan
Fyrir 3 dögum

Faðir komst að því að nýji nágranninn er dæmdur barnaníðingur – Hefur áhyggjur af dætrum sínum og veit ekki hvað skal gera

Faðir komst að því að nýji nágranninn er dæmdur barnaníðingur – Hefur áhyggjur af dætrum sínum og veit ekki hvað skal gera
Pressan
Fyrir 3 dögum

Myrti hjásvæfu sína í miðju kynlífi – Læddist út frá eiginkonunni um miðja nótt

Myrti hjásvæfu sína í miðju kynlífi – Læddist út frá eiginkonunni um miðja nótt
Pressan
Fyrir 4 dögum

Hlýjasti vetur sögunnar á Nýja-Sjálandi

Hlýjasti vetur sögunnar á Nýja-Sjálandi
Pressan
Fyrir 4 dögum

James Webb geimsjónaukinn er loksins tilbúinn

James Webb geimsjónaukinn er loksins tilbúinn