fbpx
Sunnudagur 01.ágúst 2021
Pressan

FBI varar við „nethermönnum QAnon“ – Óttast aukið ofbeldi

Kristján Kristjánsson
Sunnudaginn 20. júní 2021 17:00

Nethermenn QAnon eru farnir að ókyrrast að mati FBI. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bandaríska alríkislögreglan FBI varar við að aukinnar óþolinmæði gæti hjá þeim sem aðhyllast samsæriskenningar QAnon og að það geti leitt til aukins ofbeldis. Í nýju hættumati frá FBI kemur fram að herskáir fylgjendur samsæriskenningahreyfingarinnar geti hugsanlega yfirgefið Internetið fljótlega til að setja mark sitt á hinn raunverulega heim.

CNN segir að FBI telji að stuðningsmenn QAnon séu byrjaðir að efast um áætlun hins dularfulla Q sem er upphafsmaður samsæriskenningahreyfingarinnar. Miðpunktur áætlunar hans er að Donald Trump verði settur aftur í embætti forseta og að pólitískir andstæðingar hans verði dregnir fyrir dóm.

Enn eiga spádómar Q eftir að rætast en það hefur ekki orðið til þess að draga úr trú stuðningsmanna QAnon á spádóma hans og samsæriskenningar. FBI telur að sífellt fleiri stuðningsmenn samsæriskenninga hans séu nú reiðubúnir til að taka málin í eigin hendur en það getur leitt til ofbeldisverka.

Segir FBI að „nethermenn“ QAnon muni hugsanlega færa sig af netinu yfir í raunheiminn og ráðast á hina svokölluðu elítu, til dæmis Demókrata og aðra pólitíska andstæðinga, í staðinn fyrir að bíða eftir að spádómar Q rætist.

FBI leggur áherslu á að þetta eigi aðeins við um herskáustu stuðningsmenn QAnon, þar á meðal þá sem tóku þátt í árásinni á þinghúsið þann 6. janúar síðastliðinn.

FBI telur að hluti stuðningsmanna QAnon muni líta á valdatöku Joe Biden sem merki um að þeir hafi verið hafðir að fíflum og blekktir og hugsanlega segja skilið við hreyfinguna og kenningar hennar.

Eitt megininntakið í kenningum QAnon er að Donald Trump eigi í harðri baráttu við djöfladýrkandi barnaníðings elítu sem lúti forystu þekktra Demókrata og annarra valdamikilla aðila á vinstri væng stjórnmálanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Hefja manndrápsrannsókn í kjölfar flóðanna í Belgíu

Hefja manndrápsrannsókn í kjölfar flóðanna í Belgíu
Pressan
Fyrir 2 dögum

Gildar bankabækur Dana

Gildar bankabækur Dana
Pressan
Fyrir 3 dögum

Nánustu bandamenn Harry að missa þolinmæðina

Nánustu bandamenn Harry að missa þolinmæðina
Pressan
Fyrir 3 dögum

Neitar að láta bólusetja börnin sín – Gæti misst forræðið

Neitar að láta bólusetja börnin sín – Gæti misst forræðið
Pressan
Fyrir 4 dögum

Handtekinn vegna skotárásar á tvö lítil sænsk börn

Handtekinn vegna skotárásar á tvö lítil sænsk börn
PressanSport
Fyrir 4 dögum

Sjáðu myndbandið: Reyndi að bíta í eyrað á andstæðing sínum á Ólympíuleikunum

Sjáðu myndbandið: Reyndi að bíta í eyrað á andstæðing sínum á Ólympíuleikunum
Pressan
Fyrir 5 dögum

Óttast nýja bylgju kórónuveirunnar – „Þetta er faraldur hinna óbólusettu“

Óttast nýja bylgju kórónuveirunnar – „Þetta er faraldur hinna óbólusettu“
Pressan
Fyrir 5 dögum

Tölvuleikjaframleiðandi sakaður um óviðeigandi viðhorf til kvenna

Tölvuleikjaframleiðandi sakaður um óviðeigandi viðhorf til kvenna