fbpx
Mánudagur 26.júlí 2021
Pressan

Texas er nýr heimavöllur Trump

Kristján Kristjánsson
Sunnudaginn 13. júní 2021 17:30

Donald Trump. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Eftir ósigurinn í forsetakosningunum flutti Donald Trump til Flórída og hefur nokkuð hægt um sig opinberlega en á bak við tjöldin situr hann ekki auðum höndum og beitir áhrifum sínum til hins ítrasta innan Repúblikanaflokksins. Hann hefur sterk ítök í flokknum í Texas og þar virðast flokksmenn vilja þóknast honum.

Ef fólk hefur átt von á að Repúblikanar í Texas myndu taka upp hófsamari stefnu eftir ósigur Trump þá hafði það kolrangt fyrir sér. Repúblikanar í ríkinu hafa að undanförnu gert það sem var hátt skrifað á óskalista Trump.

Repúblikanar eru í meirihluta í báðum deildum þings ríkisins og hafa frá því að forsetakosningarnar fóru fram þrengt fóstureyðingarlögin þannig að nú er fóstureyðing óheimili ef kona er komin sex vikur á leið.

Þeir hafa einnig slakað á vopnalöggjöfinni, sem var nú ekki ströng fyrir, og nú mega allir 21 árs og eldri bera skotvopn, bæði sýnilegt og hulið, án þess að þurfa sérstakt leyfi til þess. Áður þurfti að fá sérstakt leyfi til þess og sækja námskeið í meðferð skotvopna. Gagnrýnendur laganna segja að þau auki líkurnar á að Texas verði að nýju Villta Vestri. En stuðningsmenn laganna segja að þau gefi fólki tækifæri á að verja sjálft sig.

Demókratar létu þessi lagafrumvörp yfir sig ganga og lögðu ekki til atlögu við Repúblikana fyrr en þeir lögðu fram frumvarp um hertar reglur um kosningar í ríkinu. Það dylst fáum að þeim er ætlað að halda svörtum og öðrum minnihlutahópum frá því að greiða atkvæði en þetta eru samfélagshópar sem styðja frekar Demókrata en Repúblikana.

Demókrötum tókst að vinna smá tíma með því að yfirgefa þinghúsið og því var ekki hægt að greiða atkvæði um frumvarpið áður en þingið fór í sumarleyfi. Þetta keypti smá tíma en ekki endanlegan sigur því ríkisstjórinn hyggst kalla þingið saman til aukaþings til að koma frumvarpinu í gegn.

Fingraför Trump eru greinileg á frumvarpinu því það á rætur að rekja til staðlausra staðhæfinga hans um víðtækt kosningasvindl í forsetakosningunum í nóvember. Ekkert hefur komið fram sem sannar þessar fullyrðingar hans.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 16 klukkutímum

Texas hættir að kenna börnum að aðgerðir Ku Klux Klan hafi verið siðferðislega rangar

Texas hættir að kenna börnum að aðgerðir Ku Klux Klan hafi verið siðferðislega rangar
Pressan
Í gær

Enn einn Trump liðinn handtekinn fyrir njósnir – Vann á laun fyrir Arabísku furstadæmin

Enn einn Trump liðinn handtekinn fyrir njósnir – Vann á laun fyrir Arabísku furstadæmin
Pressan
Í gær

Útvarpsmaðurinn sem barðist gegn bóluefnum er á gjörgæslu með Covid – „Ég hafði rangt fyrir mér“

Útvarpsmaðurinn sem barðist gegn bóluefnum er á gjörgæslu með Covid – „Ég hafði rangt fyrir mér“
Pressan
Fyrir 2 dögum

Hafa fundið ummerki eftir loftsteininn sem drap risaeðlurnar

Hafa fundið ummerki eftir loftsteininn sem drap risaeðlurnar
Pressan
Fyrir 2 dögum

Skógareldar geisa í Síberíu – Reykurinn teygir sig 3.000 kílómetra

Skógareldar geisa í Síberíu – Reykurinn teygir sig 3.000 kílómetra
Pressan
Fyrir 3 dögum

COVID-19 sjúklingur dulbjó sig sem konu til að geta ferðast flugleiðis

COVID-19 sjúklingur dulbjó sig sem konu til að geta ferðast flugleiðis
Pressan
Fyrir 3 dögum

Lögreglumaðurinn með gyllta klósettið handtekinn

Lögreglumaðurinn með gyllta klósettið handtekinn
Pressan
Fyrir 4 dögum

Hann er einn áhrifamesti andstæðingur bólusetninga í Bandaríkjunum

Hann er einn áhrifamesti andstæðingur bólusetninga í Bandaríkjunum
Pressan
Fyrir 4 dögum

Hræðilegir valkostir – Varð að velja á milli barnsins og fótleggsins

Hræðilegir valkostir – Varð að velja á milli barnsins og fótleggsins