fbpx
Miðvikudagur 28.október 2020
Pressan

Segir að milljónir Bandaríkjamanna gætu þurft að flytja til Kanada vegna versnandi ástands í Kaliforníu

Kristján Kristjánsson
Föstudaginn 18. september 2020 08:15

Þetta líkist dómsdegi. Mynd: Deborah BLOOM / AFP

Ekki missa af Helstu tíðindum dagsins í pósthólfið þitt

Lesa nánar

Stjórnlausir skógareldar geisa nú í vesturríkjum Bandaríkjanna. Ástæðan fyrir því er ekki síst skammtímahugsun stjórnmálamanna um allan heim. Þetta segir Jerry Brown, sem var ríkisstjóri í Kaliforníu frá 1975 til 1983 og aftur frá 2011 til 2019. Hann er nú sestur í helgan stein á búgarði sínum norðan við Sacramento en skógareldarnir fara ekki fram hjá honum því eldar loga skammt frá búgarðinum.

1,8 milljónir hektara lands hafa brunnið í eldunum í Kaliforníu, Oregon og Washington á undanförnum vikum.  Brown hefur nú bent á hugsanlega neyðaráætlun fyrir íbúa ríkjanna. CBC skýrir frá.

„Þetta mun fara síversnandi. Kalifornía og vestasti hluti Bandaríkjanna munu brenna. Milljónir Bandaríkjamanna gætu leitað til Kanada þar sem aðstæður eru betri. En stóra spurningin er hvernig Kanada myndi þá taka á svona fólksstraumi,“

sagði Brown í samtali við CBC. Hann telur að við séum nú að upplifa þau áhrif loftslagsbreytinga sem sérfræðingar hafa varað við í rúmlega 20 ár.

„Hugleiðið að í tugir þúsunda ára bjuggu ekki fleiri en 300.000 í Kaliforníu. Nú eru það 40 milljónir. Þessar 40 milljónir aka milljarða kílómetra árlega í ökutækjum sem nota jarðefnaeldsneyti. Auk þess er svo iðnaðurinn og landbúnaðurinn, allt leggur þetta af mörkum til velferðar okkar en á sér um leið dökka umhverfishlið,“

benti hann á. Hann játar að hann hefði getað gert meira í ríkisstjóratíð sinni, meðal annars hvað varðar að vernda skógana fyrir hættum af eldum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Arabaríki sniðganga franskar vörur vegna deilna um Múhameðsteikningar

Arabaríki sniðganga franskar vörur vegna deilna um Múhameðsteikningar
Pressan
Í gær

Telur að loftslagsbreytingarnar muni hrekja milljónir Bandaríkjamanna frá heimilum sínum

Telur að loftslagsbreytingarnar muni hrekja milljónir Bandaríkjamanna frá heimilum sínum
Pressan
Fyrir 3 dögum

Segir að Trump hafi áttað sig á mikilvægi NATO

Segir að Trump hafi áttað sig á mikilvægi NATO
Pressan
Fyrir 3 dögum

Sjáðu myndbandið: Fór hamförum í búðinni vegna sóttvarnaraðgerða – „Ég skammast mín ekki“

Sjáðu myndbandið: Fór hamförum í búðinni vegna sóttvarnaraðgerða – „Ég skammast mín ekki“