fbpx
Fimmtudagur 21.janúar 2021
Pressan

Blóðprufa getur hjálpað til við að spá fyrir um Alzheimers-sjúkdóminn

Kristján Kristjánsson
Þriðjudaginn 1. desember 2020 18:00

Ekki missa af Helstu tíðindum dagsins í pósthólfið þitt

Lesa nánar

Niðurstöður nýrrar rannsóknar sýna að blóðprufa geti gagnast við að spá fyrir um hvort fólk eigi á hættu að fá Alzheimers-sjúkdóminn. Vísindamenn segja þetta hugsanlega vera vendipunkt í baráttunni við þennan hræðilega sjúkdóm.

Um 50 milljónir jarðarbúa þjást af Alzheimers-sjúkdómnum sem veldur vitglöpum. Á heimsvísu er það Alzheimers-sjúkdómurinn sem veldur um helmingi allra tilfella vitglapa.

Talið er að uppsöfnun prótína í heila sjúklinga valdi sjúkdómnum. Hægt er að greina sum þessara prótína í blóðprufum. Prufurnar geta sýnt hversu mikill þéttleiki þeirra er. Í rannsókninni var þessi aðferð notuð til að greina sjúkdóminn mörgum árum áður en fyrstu sjúkdómseinkennin gerðu vart við sig.

Í grein í vísindaritinu Nature Aging lýsa höfundar rannsóknarinnar því hvernig þeir þróuðu líkön af hversu mikil hætta er á að einstaklingar þrói sjúkdóminn með sér. Þeir skoðuðu tvö mikilvæg prótín í blóðprufum 550 sjúklinga sem eru með væg vitglöp. Rannsókn þeirra leiddi í ljós að með þessari aðferð var hægt að spá fyrir um Alzheimers-sjúkdóminn með 88% öryggi á fjögurra ára tímabili. Niðurstaðan er talin mjög lofandi, ekki síst vegna þess að aðferðin er einföld og ódýr.

Richard Oakley, rannsóknarstjóri hjá Alzheimer‘s Society, segir að stærsta áskorunin sé að geta greint sjúkdóminn nægilega snemma til að hægt sé að nota nýjar meðferðir við honum, meðferðir sem séu enn í þróun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Hún hvarf sporlaust í skemmtisiglingunni – Síðan kom tölvupósturinn sem fékk mjög á foreldrana

Hún hvarf sporlaust í skemmtisiglingunni – Síðan kom tölvupósturinn sem fékk mjög á foreldrana
Pressan
Fyrir 2 dögum

WHO segir ósanngjarna skiptingu bóluefna lengja heimsfaraldurinn

WHO segir ósanngjarna skiptingu bóluefna lengja heimsfaraldurinn