Telemarksavisa og Norska ríkisútvarpið skýrðu frá þessu. Fram kemur að fyrir 15 árum hafi Westhrin starfað sem „statssekretær“, , sem er pólitísk staða í ráðuneytunum og jafngildir næstum embætti vararáðherra, og hafi því komið fram í fjölmiðlum. Eitt þeirra mála sem hún svaraði fyrir í fjölmiðlum var innleiðing skilagjalds á mjólkur- og safafernur en markmiðið með því var að fá fólk til að flokka sorp og auka endurvinnslu.
Hugmyndin á bak við þetta var að skilagjaldið yrði lægra ef fólk yrði duglegt við að flokka rétt.
„Það var þá sem einhver varð svo reiður. Hann sagði að frá og með deginum í dag myndi hann senda mér allar tómu fernurnar sína,“
sagði Westhrin um upphafið að fernusendingunum.
Stundum hafa skilaboð komið með sendingunum og hafa þau stundum verið undirrituð „Herra endurvinnslumaðurinn“.
Westhrin segist ekki vita til að fleiri en hún fái sendingar sem þessar.
Norska ríkisútvarpið hefur eftir Peder Kjøs, sálfræðingi, að hegðun, eins og sendandinn sýnir af sér, sé oft drifin áfram af vonleysi og draumi um að hafa áhrif. Hann telur að „mjólkurfernumaðurinn“ telji að skoðanir hans skipti ekki miklu máli. „Þetta gæti verið leiðin til að sýna að maður er til,“ sagði Kjøs sem finnst einnig undarlegt að einhverjum takist að standa svo lengi við loforð sitt, jafnvel þótt það sé viðkomandi mikið hjartans mál.
„Þetta virðist vera óheilbrigt,“
sagði hann og sagðist hissa á að maðurinn sé enn að velta sér upp úr málinu.
