fbpx
Mánudagur 06.desember 2021
Pressan

Þetta gerir Trump þegar honum finnst sér vera ógnað

Kristján Kristjánsson
Fimmtudaginn 2. apríl 2020 20:15

Donald Trump

Ekki missa af Helstu tíðindum dagsins í pósthólfið þitt

Lesa nánar

Í miðjum COVID-19 faraldri gefur Donald Trump, Bandaríkjaforseti, sér enn tíma til að ráðast harkalega á valdamiklar konur. Síðustu daga hafa helstu óvinir hans úr röðum kvenna verið Nancy Pelosi demókrati og formaður fulltrúadeildar Bandaríkjaþings,  Gretchen Whitmer ríkisstjóri í Michigan og Mary Barra forstjóri General Motors.

„Þegar forsetanum finnst sér vera ógnað ræðst hann alltaf á þann sem hann telur vera mest veikburða af þeim sem eru viðstaddir. Það eru oft konur.“

Sagði Jessica McIntosh, aðalráðgjafi hjá demókrataflokknum, í samtali við New York Times.

„Þú veist að þú ert að gera eitthvað rétt þegar Trump ræðst á þig með fúkyrðum. Það gerir forsetinn bara þegar honum finnst að sér þrengt.“

Hefur Pelosi sagt um þessi viðbrögð forsetans en hún hefur orðið fyrir ófáum árásum frá honum. Nú síðast beindi hann spjótum sínum að henni og sagði hana vera „sick puppy“.

Nancy Pelosi.

Gretchen Whitmer virðist hafa lent í skotlínu Trump því hún sýndi að hans mati ekki nægilegt þakklæti fyrir þá aðstoð sem Michigan hefur fengið frá alríkisstjórninni. Af þeim sökum hefur Trump ítrekað ráðist að henni og vísað til hennar sem „þessarar þarna konu frá Michigan“. Þegar hann notaði loks nafn hennar á Twitter skrifaði hann „half“ fyrir framan eftirnafn hennar þannig að þar stóð „half-Whitmer“ sem má útleggja sem „hálfur heili“ á íslensku.

Það fór einnig illa í Trump að General Motors bílaframleiðandinn brást að hans mati ekki nægilega hratt við hvatningu hans um að hefja framleiðslu á öndunarvélum. Hann réðst því á Mary Barra, forstjóra fyrirtækisins, á Twitter þar sem hann sagði hlutina alltaf fara úr skorðum þegar hún eigi hlut að máli.

Trump hefur einnig sagt Carmen Yulín Cruz Soto, borgarstjóra í San Juan, vera „illgjarna“ og Mazie Horono, öldungardeildarþingkonu frá Hawai, hefur hann sagt vera „óhæfa“. Alexandra Ocasio-Cortez, þingkona í fulltrúadeildinni og ein skærasta stjarna demókrata, er honum einnig mikill þyrnir í augum og hefur hann til dæmis sagt hana vera „viðbjóðslega“ og „til skammar“.

Pelosi lét Trump heyra það um helgina og sagði að á meðan hann viti ekki hvernig á að taka á COVID-19 faraldrinum deyi fólk. Þetta fór illa í Trump en það hafði engin áhrif á Pelosi.

„Í hreinskilni sagt lít ég á þetta sem hrós. Barnalegar árásir forsetans styrkja mig. Aðrar konur ættu að taka þessu þannig. Það eru bara aumir menn sem ráðast á konur.“

Sagði hún í samtali við Los Angeles Times.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Skoska lögreglan greiðir 1 milljón punda í bætur vegna bílslyss sem hún sinnti ekki

Skoska lögreglan greiðir 1 milljón punda í bætur vegna bílslyss sem hún sinnti ekki
Pressan
Í gær

Fundu steingervinga 11 risaeðla á Ítalíu

Fundu steingervinga 11 risaeðla á Ítalíu
Pressan
Í gær

Svona er hægt að nota ferskar sítrónur til margra hluta

Svona er hægt að nota ferskar sítrónur til margra hluta
Pressan
Í gær

Þetta eru algengustu einkenni COVID-19 hjá bólusettu fólki

Þetta eru algengustu einkenni COVID-19 hjá bólusettu fólki
Pressan
Fyrir 3 dögum

Pabbinn fór í búð á Svörtum föstudegi og keypti byssu handa syninum – Það var örlagaríkt

Pabbinn fór í búð á Svörtum föstudegi og keypti byssu handa syninum – Það var örlagaríkt
Pressan
Fyrir 3 dögum

Skotinn til bana á Norðurbrú í Kaupmannahöfn

Skotinn til bana á Norðurbrú í Kaupmannahöfn
Pressan
Fyrir 3 dögum

Þessu vinna bóluefnaframleiðendur að núna vegna Ómíkron

Þessu vinna bóluefnaframleiðendur að núna vegna Ómíkron
Pressan
Fyrir 3 dögum

Telja að Hæstiréttur Bandaríkjanna muni staðfesta þungunarrofslög Mississippi

Telja að Hæstiréttur Bandaríkjanna muni staðfesta þungunarrofslög Mississippi