fbpx
Föstudagur 03.apríl 2020
Pressan

Sprengjutilræði í íbúðahverfi í Motala í Svíþjóð – Tvennt á sjúkrahús

Kristján Kristjánsson
Mánudaginn 1. apríl 2019 05:59

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Rétt fyrir klukkan 23 í gærkvöldi varð öflug sprenging við íbúðarhús í Motala í Svíþjóð. Tvennt, íbúar í húsinu, voru flutt á sjúkrahús. Þrýstibylgjan frá sprengingunni var svo öflug að hún henti konu um koll sem var í 100 metra fjarlægð frá húsinu.

Sprengingin varð á sólpalli við húsið en hann er gjörónýtur. Einnig urðu skemmdir á húsinu og nærliggjandi húsum. Talsmaður lögreglunnar sagði í samtali við Aftonbladet að karl og kona, íbúar í húsinu, hafi verið flutt á sjúkrahús en þau hafi sloppið ótrúlega vel, aðeins skorist lítillega. Mun verr hefði getað farið því þau sváfu á neðri hæðinni.

Nágrannar segja að púðurlykt hafi verið á vettvangi eftir sprenginguna.

Sprengjusérfræðingar voru sendir til Motala í gærkvöldi frá Stokkhólmi en ekki er talið útilokað að ósprungin sprengja sé við húsið.

Talsmaður lögreglunnar vildi ekki segja hvort íbúum hússins hafi verið hótað eða eigi í útistöðum við einhvern. Hann sagði að vitni hafi gefið ákveðnar upplýsingar en ekki verði skýrt frá þeim að svo komnu máli.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Ford ætlar að framleiða 50.000 öndunarvélar næstu 100 daga

Ford ætlar að framleiða 50.000 öndunarvélar næstu 100 daga
Pressan
Í gær

Ólíkt hafast bræðurnir að – Annar hættir opinberum störfum en hinn tekur þátt í baráttunni gegn COVID-19

Ólíkt hafast bræðurnir að – Annar hættir opinberum störfum en hinn tekur þátt í baráttunni gegn COVID-19