Í fyrra skipti hamborgarakeðjan McDonalds út frosnu kjöti yfir í ferskt kjöt á flestum stöðum sínum í Bandaríkjunum.
Skiptingin átti sér stað í hinum víðfræga Quarter-pounder-borgara en sala á honum hefur aukist um 30% á seinustu tólf mánuðum. Frá þessu greinir CNN.
Breytinguna gerði McDonalds vegna aukins áhuga viðskiptavina á því að vita hvaðan maturinn sinn kemur og hvað er í matnum sínum.
Fjármálastjóri skyndibitarisans viðurkenndi að skiptingin úr frosnu kjöti yfir í ferskt kjöt hafi tekið á fyrirtækið en sagði einnig að væntingar viðskiptavinanna breyttust hratt og það þyrfti McDonalds að gera líka.