Þjóðhátíðardagur okkar Íslendinga er í og margir sem fagna með því að bjóða heim í kvöldkaffi eftir hátíðarhöld. Þá er lag að henda í eina svona sælkera brauðterta samkvæmt íslenskri hefð en með ítölsku ívafi. Berglind okkar Hreiðars sem heldur úti síðunni Gotterí á heiðurinn af þessari.

„Ég leiddi hugann að því að gera brauðtertu í meira íslenskum stíl en þar sem það er sumar og maður meira til í eitthvað sumarlegt og freistandi varð ég fyrir ítölskum áhrifum, enda alltaf að hugsa um Ítalíureisuna góðu, sama hvenær hún verður síðan farin.“

Nú er lag að skella í eina brauðtertu.

Ítölsk brauðterta
1 fínt rúllutertubrauð
6 harðsoðin egg
100 g mozzarellakúlur með basilíku + skraut
120 g piccolo tómatar + skraut
80 g hráskinka + skraut
50 g salami + skraut
2 msk. basilíka + skraut
200 g Hellmann‘s majónes + skraut
50 g sýrður rjómi
2 msk. basilpestó
½ tsk. salt
¼ tsk. pipar
Klettasalat
Parmesanostur

Skerið egg, mozzarellakúlur, tómata, hráskinku og salami smátt niður, setjið í skál. Saxið basilíkuna og blandið saman við ásamt majónesi, sýrðum rjóma, pestó og kryddum.
Hrærið varlega með sleikju og smyrjið blöndunni síðan jafnt yfir rúllutertubrauðið og rúllið varlega upp. Smyrjið brauðið að utan með þunnu lagi af majónesi og skreytið með klettasalati, hráskinkusneiðum, mozzarellakúlum, salamirósum , tómötum, basilíku og parmesan. Salamirósir: Takið 1 sneið í tvo hluta og rúllið þeim utan um hvorn annan, skerið síðan aðeins neðan af til að stytta.