Pasta með pestó og pistasíuhnetum
Hráefni - Pestó:
3/4 bolli ferskt kóríander
1/3 bolli pistasíuhnetur
1 jalapeno-pipar án fræja
2 hvítlauksgeirar
Safi úr 1/2 lime
3 msk. ólífuolía
2–3 msk. vatn
1/2 tsk. salt
pipar
Hráefni - Rækjur:
1/2 msk. ólífuolía
450 g risarækjur, hreinsaðar
1/2 tsk. hvítlaukskrydd
salt og pipar
Hráefni - Pasta:
280 g spagettí
Til að skreyta:
geitarostur
kóríander
saxaðar pistasíuhnetur
Aðferð:
Byrjum á að búa til pestó. Setjið kóríander, hnetur, jalapeno, hvítlauk, lime-safa, olíu, vatn og salt og pipar í matvinnsluvél og blandið vel saman. Setjið til hliðar.
Steikið rækjur í olíu í stórri pönnu yfir meðalhita. Kryddið með hvítlaukskryddi, salti og pipar og eldið í nokkrar mínútur. Takið af hellu og setjið til hliðar.
Eldið pasta samkvæmt leiðbeiningum á pakka. Hellið vatni af pastanu og setjið það aftur í pottinn. Hrærið pestó og rækjum vel saman við. Deilið í skálar og skreytið með geitarosti, kóríander og hnetum.
Marokkóskur kjúklingaréttur
Hráefni:
3 msk. ólífuolía
450 g kjúklingabringur
1/4 tsk. salt
1/4 tsk. pipar
1/4 bolli hveiti
1 lítill rauðlaukur, skorinn í sneiðar
2 stórar appelsínur
1/2 bolli grænar ólífur, skornar í helminga
steinselja
hrísgrjón
Aðferð:
Hitið olíu í pönnu yfir meðalhita. Saltið og piprið kjúkling og þekið hann með hveiti. Steikið í 3 til 4 mínútur eða þar til hann hefur brúnast. Setjið á disk. Lækkið hitann og eldið rauðlaukinn í um 3 mínútur. Setjið safa úr 1 1/2 appelsínu saman við og skerið restina af appelsínunni í þunnar sneiðar. Setjið sneiðarnar saman við laukinn sem og ólífur og 1/4 bolla af vatni. Setjið kjúkling aftur í pönnu og eldið þar til hann er eldaður í gegn. Skreytið með steinselju og berið fram með hrísgrjónum.
Möndlulax
Hráefni:
450 g grænar baunir
1 msk. ólífuolía
1/4 tsk. salt
1/4 tsk. pipar
1/3 bolli grísk jógúrt
2 tsk. Creole-krydd
1 tsk. rifinn sítrónubörkur
1/2 bolli möndlur, gróft saxaðar
4 laxaflök
Aðferð:
Hitið ofninn í 230°C. Setjið álpappír á stóra ofnskúffu. Blandið baunum, olíu, salti og pipar saman í skál. Raðið á skúffu og bakið í 10 mínútur. Blandið jógúrt, kryddi og sítrónuberki saman í annarri skál. Búið til pláss í miðju skúffunnar og setjið laxaflökin þar. Dreifið úr jógúrtblöndunni ofan á flökin og stráið möndlum yfir. Bakið í 12 mínútur.
Hjartabrauð
Hráefni:
8 tsk. mæjónes
4 brauðsneiðar
2 msk. smjör
4 stór egg
salt og pipar
ferskar kryddjurtir, saxaðar
Aðferð:
Smyrjið báðar hliðar brauðsneiðanna með mæjónesi. Notið kökumót til að skera út hjarta í miðju hverrar brauðsneiðar. Bræðið smjörið í pönnu yfir meðalhita. Bætið brauði (og hjartamiðjunni) á pönnunna og steikið í 5 mínútur. Snúið sneiðunum við og brjótið egg í miðjuna. Saltið og piprið. Lækkið hitann og eldið í 5 til 7 mínútur til viðbótar. Skreytið með ferskum kryddjurtum og berið fram.
