Grillostur með pestó og klettasalati

Þessi einfalda og ljúffenga uppskrift að grillosti með pestó og klettasalati kemur úr smiðju matgæðingsins Berglindar Hreiðarsdóttur hjá gotteri.is.

• 2 x Grillostur frá MS gott í matinn
• Klettasalatspoki
• Grænt, ferskt pestó
• Furuhnetur (ein lúka)
• Salt og pipar eftir smekk

1. Skerið ostinn niður í lengjur og grillið við háan hita í nokkrar mínútur. Snúið ostinum reglulega á grillinu þar til grillrákir byrja að myndast og osturinn að linast upp.
2. Setjið síðan vel af pestó yfir ostinn ásamt furuhnetum og saltið og piprið eftir smekk.
3. Njótið strax á meðan osturinn er heitur.