Góður lax stendur alltaf fyrir sínu enda stútfullur af mikilvægum næringarefnum. Þessi uppskrift, sem er úr smiðju Berglindar Hreiðarsdóttur fyrir Gott í matinn, er allt í senn einföld, fljótleg og góð!

Innihald

 4 skammtar  

Lax:

800 gr laxaflök
salt og pipar
ólífuolía
fersk steinselja

Sítrónusósa

1/2 stk. laukur, mjög fínt saxaður
safi úr einni sítrónu
60 ml hvítvín
125 ml rjómi frá Gott í matinn
110 gr. smjör (við stofuhita)
salt eftir smekk

Annað meðlæti:

bakaðar kartöflur með smjöri og salti
ferskt salat að eigin vali, til dæmis klettasalat, mangó, avókadó, kasjúhnnetur og Dala Feta
ferskar sítrónusneiðar

Skref 1

• Skerið laxinn í hæfilega stóra bita og raðið í eldfast mót.
• Penslið með olíu og kryddið með salti og pipar.
• Bakið við um 215°C í 10-15 mínútur (fer eftir þykkt flakanna).
• Stráið ferskri steinselju yfir laxinn þegar hann kemur úr ofninum.

Skref 2

• Á meðan laxinn er í ofninum er sósan útbúin.
• Setjið lauk, sítrónusafa og hvítvín saman í pott og sjóðið niður í 8-12 mínútur eða þar til sósan fer að þykkna.
• Hrærið rjómanum saman við og náið upp suðu að nýju.
• Takið pottinn þá af hellunni og hrærið smjörinu varlega saman við þar til það hefur bráðnað (lítinn hluta í einu).
• Kryddið til með salti eftir smekk og haldið heitu á lágum hita þar til bera á fram.