Jóhannes Ásbjörnsson, einn eigenda Gleðipinna sem meðal annars reka Hamborgarafabrikkuna, Eldsmiðjuna og Aktu taktu, er mikill hamborgaramaður. Hann segir hér frá uppáhalds hamborgurunum sínum.

1 Five Guys

Frábærir borgarar. Ofureinfaldir en samt svo hrikalega góðir. 80/20 blanda af chuck og hágæða nautahakki. Svo gera þeir frönskurnar sínar sjálfir.

2 Steikarborgarinn á Búllunni

Steikarborgarinn á Búllunni er hamborgari sem ég verð að fá mér öðru hvoru. Búllan er dásamlegur hamborgarastaður og endalaus ást og virðing til Tomma, the man, the myth, the legend.

3 The Bird Berlin

Magnaður hamborgarastaður í Prenzlauerberg í Berlín. Skammtarnir eru risavaxnir og hamborgararnir 250 g. Fílingurinn, bragðið og konseptið algjörlega upp á 10.

4 Yuzu Chilli

Krakkarnir á Yuzu á Hverfisgötu eru töframenn. Fundu alveg nýtt teik og alveg nýtt bragð. Staður sem allir þurfa að prófa. Muna að panta Yuzu mayo með fröllunum.

5 Stefán Karl á Fabrikkunni

Ég leyfi mér að nefna einn til sögunnar úr eigin vopnabúri. Stefán Karl er einn besti borgari sem við höfum sett saman. Eyþór Rúnarsson draumakokkur negldi þennan heiðursborgara Stefáns Karls. Ávanabindandi