Ónefnd kona var að selja bökunarvörur á Facebook. Eins og tíðkast þegar vörur eru seldar á netinu fylgdi mynd af því sem hún hugðist selja.
Glöggir netverjar tóku eftir einu frekar dónalegu á myndinni. Sérð þú það?
Eitt af kökuformunum er í laginu eins og stórt typpi. Netverjar höfðu mjög gaman af þessu og var skjáskoti af færslunni deilt víða um Facebook, meðal annars í Facebook hópinn Kmart Unacks & Roasts. Fjöldi fólks tjáði sig um kökuformið og þótti þetta sprenghlægilegt.
„Þarf að kaupa allt eða er hægt að kaupa bara einn hlut? Mig vantar bara einn…“
„Ég elska fíla formið, geymdu ranann fyrir mig.“
Svo gekk hugsanlega einn netverji of langt: „Þessi bökunarform væru svo gagnleg fyrir barnaafmæli.“
