Sælgætisframleiðandinn Nóa Siríus afhjúpaði nýtt sælgæti fyrr í dag, svokallað Sumarkropp 2019. Um er að ræða Nóa Kropp með lakkrísbragði. Það er vægt til orða tekið að segja að kroppið hafi vakið lukku meðal fylgjenda Nóa Siríus á Facebook, og rignir athugasemdum inn við mynd af nýja Nóa Kroppinu.
„Ómæ! Þetta lýst mér vel á!“ skrifar einn fylgjandi. „Omg!! Hlakka til að smakka þetta,“ bætir annar við. „Jemundur, þetta kallar nafnið mitt,“ skrifar enn annar. „Haltu á ketti hvað þetta er spennandi.“
Þá eru einhverjir ketóliðar sem skrifa athugasemdir við mynd af namminu og greinilegt að einhverjir íhugi að falla stuttlega af ketóvagninum til að smakka nammið.
„Ég myndi svindla á ketóinu ef það er glútenlaust,“ skrifar einn fylgjandi. „Nei, hvur fjandinn, þar fór ketóið mitt til fjandans – þetta verður MJÖÖÖÖÖG ERFITT að standast.“
Hér fyrir neðan má sjá færslu Nóa Siríus og hægt að skemmta sér við að lesa athugasemdirnar.