Þessi réttur er algjörlega sturlaður og eiginlega of góður til að vera sannur.

Beikonvafinn blómkálshaus

Hráefni:

1/4 bolli ólífuolía
1/4 bolli sítrónusafi
salt
1 blómkálshaus, blöð fjarlægð og stilkur snyrtur
280 g frosið spínat, afþýtt og vökvi kreistur úr
2 stór egg, þeytt
4 vorlaukar, þunnt skornir
2 hvítlauksgeirar, smátt saxaðir
3/4 bolli rifinn ostur
115 g mjúkur rjómaostur
1/2 bolli brauðraspur
1/4 bolli rifinn parmesan ostur
450 g þunnt skorið beikon

Aðferð:

Hitið ofninn í 230°C. Setjið 8 bolla af vatni, olíu, sítrónusafa og 2 matskeiðar af salti í stóran pott og náið upp suðu. Setjið blómkálshausinn ofan í vatnið. Lækkið hitann og setjið disk ofan á blómkálið. Látið malla í um 12 mínútur. Takið hausinn varlega úr vatninu og látið kólna á grind. Blandið spínati, eggjum, vorlauk, hvítlauk, rjómaosti, rifnum osti, brauðraspi og parmesan osti vel saman. Setjið í sprautupoka. Setjið blómkálshausinn á ofnplötu með stilkinn upp. Sprautið ostablöndunni á milli blómanna. Snúið hausnum við og hyljið hann með beikoni. Bakið í 30 mínútur, og snúið hausnum við þegar helmingurinn af tímanum er búinn.