Þú verður kannski ekki vinsælasta manneskjan í veislunni, lyktarlega séð en hvaða máli skiptir það ef þú hefur tækifæri til þess að minnka líkurnar á krabbameini í þörmunum.

Ný rannsókn hefur komist að því að þeir sem borða rúmlega fimmtán kíló af lauk á ári hverju geti minnkað líkurnar á krabbameini í þörmunum gífurlega. Með lauk er einnig átt við hvítlauk, graslauk, blaðlauk og skalotlauk.

Á hverju ári greinast um 42 þúsund manns í Bretlandi með krabbamein í þörmum segir í frétt Daily Mail um málið og af þeim eru rúmlega 16 þúsund einstaklingar sem tapa baráttunni ár hvert. Samkvæmt rannsókninni gæti einn lítill laukur á dag komið í veg fyrir að einstaklingur fái krabbameinið.

Í rannsókninni var skoðað yfir 1600 manns. Þeir einstaklingar sem innbyrtu hvað mestan lauk voru í 79% minni hættu á því að þróa með sér krabbamein í þörmum miðað við þá sem innbyrða hvað minnst af lauk.

„Því meiri úrval af lauk, því betri er vörnin,“ sagði Dr. Zhi Li aðalhöfundur rannsóknarinnar. Dr. Li benti einnig á það að eldunaraðferð gæti skipt sköpum en þegar laukur er til að mynda soðinn þá glatar hann mikilvægri efnasamsetningu. Þá nefndi hún það að gott þyki að borða hvítlauk niðurskorinn og/eða kraminn.