Þetta æðislega hafrakex hentar fyrir þá sem eru paleo eða borða eftir lágkolvetna mataræði og er algjört dúndur.
Hráefni:
2 1/4 bolli möndlumjöl
1 tsk. lyftiduft
1/2 tsk. sjávarsalt
1 tsk. kanill
1 egg
2 msk. hunang
Aðferð:
Blandið saman möndlumjöli, lyftidufti, sjávarsalti og kanil í skál og setjið til hliðar. Blandið eggi og hunangi saman í annarri skál og blandið síðan þurrefnunum saman við. Hér er gott að nota hendurnar. Setjið plastfilmu yfir skálina og inn í ísskáp í um hálftíma. Hitið ofninn í 160°C og setjið smjörpappír á ofnplötu. Fletjið deigið út, annað hvort á milli tveggja smjörpappírsarka eða með möndlumjöli og kökukefli. Skerið út kex með pítsaskera eða skerið út hvaða form sem er. Raðið á ofnplötuna og bakið í 12-15 mínútur. Passið ykkur því um leið og kökurnar fara að brúnast eru þær fljótar að brenna.