fbpx
Miðvikudagur 20.mars 2019

DV - Frjáls og óháður miðill

Öld sápunnar

Svarthöfði
Laugardaginn 12. janúar 2019 11:00

Sundplaggat Stanslaus krafa um þrifnað.

Ekki missa af Helstu tíðindum dagsins í pósthólfið þitt

Lesa nánar

Svarthöfði strengdi það áramótaheit að fara oftar í sundlaugarnar. Það er heilsubætandi og myndi að einhverju leyti rjúfa félagslega einangrun. Breiðholtslaugin varð fyrir valinu því hún er hverfislaugin, jafnvel þó að Dagur Bergþóruson rukki meira ofan í sínar laugar en bæjarstjórar nágrannasveitarfélaganna.

Þegar Svarthöfði var kominn í sína sundbrók og ætlaði að brokka út í laugina kom baðvörðurinn aðvífandi og setti hendurnar á bringuna á Svarthöfða, klæddur í latexhanska. „Hvert helduru að þú sért að fara?“ spurði hann. Svo benti hann plaggat á veggnum sem sýndi þá staði sem Svarthöfði átti að þrífa sig með sápu; höfuðið, handarkrikana, nárann og fæturna. Stóð vörðurinn síðan yfir Svarthöfða sem þreif sig og ekki laust við að hann fengi einhvers konar nautn út úr þessu. Tveir eldri menn urðu vitni að þessu. Fór baðvörðurinn þá aftur í búrið sitt en Svarthöfði gekk til laugar, smánaður.

Í pottinum gat Svarthöfði ekki fylgst með þeim umræðum sem þar fóru fram, hugurinn var annars staðar. Þetta er svo „shitty“. Hvaðan kemur eiginlega þessi stöðuga krafa um þrifnað? Svarthöfði er krúnurakaður og aldrei hefur Svarthöfði séð neinn sápa á sér tærnar í sturtu, aldrei. Þar að auki er meira klór en vatn í sundlauginni sjálfri. Samt á að sápa sig allan bæði áður en farið er í laugina og eftir.

Þessi krafa er ekki bundin við sundlaugarnar. Alls staðar þar sem Svarthöfði fer er hann neyddur til að þrífa sig. Svarthöfði fer reglulega að heimsækja móður sína á hjúkrunarheimili þar sem Svarthöfði er skikkaður til að þvo á sér hendurnar upp úr svíðandi spritti. Á klósettinu í vinnunni hangir plaggat frá Landlækni þar sem Svarthöfði er krafinn um að sápuþvo hendurnar og nota bursta undir neglurnar við hverja salernisferð. Í mötuneytinu hangir eins plaggat. Alls staðar blasa við auglýsingar um sjampó, svitalyktareyði og aðra basa til að drepa gerla og eyða náttúrulegri líkamslykt.

Hvaðan kemur þessi krafa? Forfeður okkar byggðu þetta land í þúsund ár án þess að þvo sér. Þeir böðuðu sig aldrei og létu hundana sleikja askana. Klósettpappír var ekki til og þaðan af síður naglaburstar. Ef fólk lifði frumbernskuna af gat það lifað góðu lífi og myndaði ónæmi gegn flestum gerlum og pestum. Þetta er allt horfið á öld sápunnar. Í staðinn fáum við psoriasis, exem og flösu af sífelldri sápunotkun fyrir utan hvað þetta kostar nú allt saman mikið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 klukkutímum

J. Lo, Cardi B, Constance Wu og fleiri stjörnur í nýrri kvikmynd um strippara

J. Lo, Cardi B, Constance Wu og fleiri stjörnur í nýrri kvikmynd um strippara
Pressan
Fyrir 2 klukkutímum

„Einn heimskasti morðingi í sögu New York-borgar“

„Einn heimskasti morðingi í sögu New York-borgar“
Fréttir
Fyrir 2 klukkutímum

Gæti orðið illfært á Holtavörðuheiði og Öxnadalsheiði í kvöld

Gæti orðið illfært á Holtavörðuheiði og Öxnadalsheiði í kvöld
433
Fyrir 2 klukkutímum

Landsliðsmenn hjóla um smábæinn og leita að matvörubúð

Landsliðsmenn hjóla um smábæinn og leita að matvörubúð
Eyjan
Fyrir 3 klukkutímum

Starfsgreinasambandið svarar Framsýn: „Mun ekki standa í skeytasendingum við félaga sína í fjölmiðlum“

Starfsgreinasambandið svarar Framsýn: „Mun ekki standa í skeytasendingum við félaga sína í fjölmiðlum“
Bleikt
Fyrir 3 klukkutímum

Má fara á æfingu með kvef? – Þumalputtareglan sem allir ættu að þekkja

Má fara á æfingu með kvef? – Þumalputtareglan sem allir ættu að þekkja
Matur
Fyrir 5 klukkutímum

Svona getur þú eldað hrísgrjón á tvo vegu: Myndband

Svona getur þú eldað hrísgrjón á tvo vegu: Myndband
Bleikt
Fyrir 5 klukkutímum

Agnes: „Á ég bara að taka því þegjandi að vera kölluð klikkuð, geðveik, fáránleg og léleg móðir?“

Agnes: „Á ég bara að taka því þegjandi að vera kölluð klikkuð, geðveik, fáránleg og léleg móðir?“