Lögreglan á Norðurlandi vestra lýsir eftir eiganda hests sem gengur laus við þjóðveg 1, skammt sunnan við Blönduós. Um er að ræða rauðblesótt tryppi en lögreglu hefur gengið illa að hafa hendur í faxi þess.
Lögreglan segir í tilkynningu á Facebook:
„Þetta rauðblesótta tryppi gengur laust við þjóðveg 1, skammt sunnan við Blönduós. Illa gengur að ná því og ekki hefst upp á eiganda. Því er eigandinn beðinn um að gefa sig fram og sækja þetta gullfallega og eflaust bráðefnilega tryppi.“
