Stjórn Eflingar stéttarfélags samþykkti í gær, 8. janúar, ályktun þar sem hernaðaraðgerðir Bandaríkjanna í Venesúela eru harðlega fordæmdar. Í ályktuninni er þess krafist að íslensk stjórnvöld vinni að friðsamlegum og diplómatískum lausnum á alþjóðavettvangi.
Stjórn Eflingar fordæmir harðlega hernaðaraðgerðir Bandaríkjanna gegn Venesúela og mannránið sem framið var á forseta landsins, Nicolás Maduro og Ciliu Flores, eiginkonu hans.
Aðgerð Bandaríkjanna er skýrt brot á alþjóðalögum og sáttmála Sameinuðu þjóðanna. Hún er enn ein staðfestingin á stórhættulegri árásargirni heimsvaldastefnunnar, árásargirni sem Bandaríkin hafa fengið að komst upp með áratugum saman, án þess að nokkur tilraun sé gerð til að stöðva framferði þeirra. Afleiðingin er sú að bandarísk stjórnvöld telja sig nú geta gert allt sem þeim sýnist, hversu siðlaust og glæpsamlegt sem það er gagnvart saklausum almenningi um allan heim.
Við óöld og lögleysu á vettvangi alþjóðastjórnmála verður ekki unað. Ólöglegum aðgerðum Bandaríkjanna verður að mæta með alþjóðlegri andspyrnu og andófi. Stjórn Eflingar mótmælir ofbeldi og yfirgangi heimsvaldasinna og setur fram þá kröfu að íslensk stjórnvöld vinni að friðsömum og diplómatískum lausnum á alþjóðavettvangi.
