Helgi Jensson, lögreglustjóri á Vestfjörðum, hefur verið tilkynntur til Nefndar um eftirlit með lögreglu vegna áreitni og ofbeldi sem hann er sakaður um að hafa beitt á þorrablóti á Flateyri.
Vísir greinir frá þessu.
Kemur fram að tveir einstaklingar hafi tilkynnt Helga. Önnur kvörtunin lítur að kynferðislegri áreitni sem hann er sakaður um að hafa beitt konu á þorrablótinu Stútungi á Flateyri þann 14. febrúar síðastliðinn. Eigi hann að hafa sagt að konan þyrfti að hlýða honum þar sem hann væri lögreglustjóri.
Hin tilkynningin lýtur að meintu líkamlegu ofbeldi. Það er að Helgi er sakaður um að hafa veist að öðrum karlmanni á sama þorrablóti.
Í frétt Vísis er Helgi inntur um málið og segist hann ekki vita til kærunnar. Segist hann hafa verið á téðu þorrablóti en þar hafi ekkert komið upp.
Þá er vísað til eldri frétta um Helga. Það er frétt árið 1997 í Helgarpóstinum þar sem sagt var að hann hefði beitt tvo menn ofbeldi, þar af annað á þorrablóti á Egilsstöðum. En þá var hann starfsmaður sýslumannsembættisins á Austfjörðum. Vísaði hann þeim ásökunum á bug.
