Í morgun bárust fregnir af því að leitað væri að ísbirni á Hornströndum þar sem gönguhópur fann ummerki um að dýrið væri á svæðinu. Lögreglan birti síðan færslu þar sem tilkynnt var að leit væri hætt þar sem ekki var lengur talið að um ísbjörn hafi verið að ræða.
Kristín Ósk Jónasdóttir, sérfræðingur hjá Umhverfisstofnun á Ísafirði, segir í samtali við Morgunblaðið að þetta hafi að öllum líkindum verið ummerki eftir álft en ekki ísbjörn. Rannsóknin eru í sýni en gönguhópurinn sem tilkynnti ummerkin sá ekki ísbjörninn með berum augum.
„Ég var þarna sjálf á laugardaginn og tók einmitt eftir hvað þetta voru rosalega stór spor og því auðvelt að ímynda sér eitthvað annað,“ segir Kristín.
Enginn hafís er nú nærri Hornströndum en ís var þar fyrir tíu til fjórtán dögum.
