fbpx
Föstudagur 26.nóvember 2021
Fréttir

Óvenjulegir skjálftar í Ljósufjallakerfinu – Full ástæða til að fylgjast með segir Páll

Kristján Kristjánsson
Mánudaginn 11. október 2021 08:00

Ekki missa af Helstu tíðindum dagsins í pósthólfið þitt

Lesa nánar

Á fjórum mánuðum hafa á þriðja tug jarðskjálfta orðið í Ljósufjallakerfinu. Þar hefur ekki gosið síðan á landnámsöld. Páll Einarsson, jarðeðlisfræðingur, segir ástæðu til að fylgjast með þróun mála á þessu svæði.

Morgunblaðið skýrir frá þessu í dag. Það var þann 23. maí síðastliðinn sem jarðskjálfti upp á 1,8 reið yfir innanvert Snæfellsnes. Hann vakti ekki mikla athygli enda í hópi um tvö þúsund skjálfta sem urðu á landinu og við það í maí. En síðan hafa rúmlega tuttugu skjálftar riðið yfir þetta svæði. Á þessum rúmum fjórum mánuðum hafa mælst fleiri skjálftar á svæðinu en í að minnsta kosti tólf ár þar á undan.

Svæðið sem um ræðir er frá Álftaskörðum í suðri, Grjótárvatni í vestri, Háleiksvatni í norðri og Geldingafjöllum í austri.

Í samtali við Morgunblaðið sagði Páll Einarsson, jarðeðlisfræðingur, að ekki sé vitað hvað valdi þessum skjálftum. Vitað sé að eldstöðvakerfið þarna sé virkt þótt það hafi ekki látið á sér kræla í þúsund ár. „Þessir skjálftar eru merki um lífsmark en maður veit ekki hvert framhaldið verður. Þetta er allavega nokkuð sem er þess virði að taka eftir, að þetta tekur við sér. Það er ástæða til þess að fylgjast með framvindu þessa máls. Í því er ekki fólgin nein spá um að það muni gjósa en það er vissulega ein af sviðsmyndunum,“ er haft eftir Páli.

Hann sagði að ef til þess kemur að það gjósi á þessu svæði verði það ekki stór atburður. Öll gos á þessu svæði hafi verið lítil og öll hraunin þarna séu lítil.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fastir pennarFréttir
Fyrir 13 klukkutímum

Upplifun mín í réttarhöldunum yfir morðingja Freyju Egilsdóttur

Upplifun mín í réttarhöldunum yfir morðingja Freyju Egilsdóttur
Fréttir
Fyrir 16 klukkutímum

Ökumaður í vímu ók á kyrrstæða bifreið og slasaðist

Ökumaður í vímu ók á kyrrstæða bifreið og slasaðist
Fréttir
Fyrir 2 dögum

Fyrrum borgarstjóri hjólar í Dag borgarstjóra – „Millj­arðasóun, spill­ing og skemmd­ar­verk Dags“

Fyrrum borgarstjóri hjólar í Dag borgarstjóra – „Millj­arðasóun, spill­ing og skemmd­ar­verk Dags“
Fréttir
Fyrir 2 dögum

Stefán lýsir skelfingarástandi á Hrafnistu – Forstjórinn segir það versta að baki – „Þvílík handarbakavinnubrögð“

Stefán lýsir skelfingarástandi á Hrafnistu – Forstjórinn segir það versta að baki – „Þvílík handarbakavinnubrögð“