fbpx
Mánudagur 29.nóvember 2021
Fréttir

Karl Gauti hreppti þingsæti á lokametrunum: „Sofnaði í 30 mínútur og datt inn“

Björn Þorfinnsson
Sunnudaginn 26. september 2021 09:53

Karl Gauti Hjaltason.

Ekki missa af Helstu tíðindum dagsins í pósthólfið þitt

Lesa nánar

Karl Gauti Hjaltason, oddviti Miðflokksins í Suðvestur-kjördæmi var vígreifur núna í morgunsárið þegar ljóst var að hann hafði hreppt þingsæti á lokametrunum. Það blés ekki byrlega fyrir þingmanninn í byrjun talninganna því að lengi vel leit út fyrir að Miðflokkurinn væri að fá skelfilega útreið í kjördæminu.

„Ég er búinn að vera ískaldur í alla nótt. Þetta fór verst niður í 1,5 prósent minnir mig,“ segir Karl Gauti og viðurkennir að hann hafi talið litlar líkur á því að hann myndi sitja áfram á þingi.

„Ég upplifði reyndar þannig meðbyr í kosningabaráttunni að ég trúði ekki að fylgið yrði svona lítið. En þetta leit vissulega ekki vel út, ég var aldrei nefndur sem einu sinni möguleiki í alla nótt,“ segir Karl Gauti.

Hann segist hafa vakað nánast nóttina alla en rétt lagt sig í rúman hálftíma og vaknaði síðan við kraftaverkið. „Ég hefði sennilega átt að sofa meira í nótt,“ segir þingmaðurinn og hlær.

Hann sagðist vera að meðtaka niðurstöðuna og ætlaði að gera það í rólegheitunum. „Ég stend bara hérna á nærbuxunum og með kaffibolla í hönd,“ segir Karl Gauti eldhress.

Miðflokkurinn hlaut alls 5,5 prósent greiddra atkvæða og þrjá þingmenn. Auk Karls Gauta eru það Sigmundur Davíð Gunnlaugsson, formaður Miðflokksins, og Birgir Þórarinsson.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Eigandi þekktrar vegasjoppu fyrir dóm vegna ólöglegs vinnuafls

Eigandi þekktrar vegasjoppu fyrir dóm vegna ólöglegs vinnuafls
FréttirMatur
Fyrir 2 dögum

Hin fræga Sara er komin aftur með bragðið af jólunum

Hin fræga Sara er komin aftur með bragðið af jólunum
Fréttir
Fyrir 3 dögum

Orðið á götunni: Mexíkóreisa Dags borgarstjóra veldur titringi – Heiða Björg sögð sniðgengin

Orðið á götunni: Mexíkóreisa Dags borgarstjóra veldur titringi – Heiða Björg sögð sniðgengin
Fréttir
Fyrir 3 dögum

Sveitarstjórn Húnaþings þreytt á biðinni og samþykkti að hópfjármagna nýjan Vatnsnesveg á Karolina Fund

Sveitarstjórn Húnaþings þreytt á biðinni og samþykkti að hópfjármagna nýjan Vatnsnesveg á Karolina Fund