Brynjar Níelsson ætlar að kveðja stjórnmálin eftir að hafa ekki náð þeim árángri sem hann stefndi að í prófkjöri Sjálfstæðismanna í Reykjavík í gær. Hafnaði hann þar í fimmta sæti en hafði vonast eftir 2. sætinu.
Þetta verður eflaust mikill missir fyrir Alþingi en Brynjar er þekktur sem einn skemmtilegasti þingmaðurinn og hefur sett sinn einstaka svip á þingstörfin í gegnum ár hans á Alþingi.
Brynjar skrifaði um ákvörðun sína á Facebook:
„Þá er glæsilegu prófkjöri Sjálfstæðisflokksins í Reykjavík lokið. Ég vil þakka öðrum frambjóðendum fyrir drengilega baráttu um leið og ég óska þeim til hamingju sem náðu markmiðum sínum. Sérstaklega vil þakka þeim fjölmörgu sem lögðu leið sína á kjörstað til að taka þátt.
Úrslitin eru talsverð vonbrigði fyrir mig en skilaboðin eru skýr. Ég trúi því að Sjálftæðisflokknum muni vegna vel í komandi kosningum. Ég kveð því stjórnmálin sáttur.“