fbpx
Miðvikudagur 21.apríl 2021
Fréttir

Von á skemmtiferðaskipum til Reykjavíkur í sumar

Kristján Kristjánsson
Fimmtudaginn 8. apríl 2021 07:59

Faxaflóahafnir eiga von á skemmtiferðaskipum í sumar.

Ekki missa af Helstu tíðindum dagsins í pósthólfið þitt

Lesa nánar

Þrátt fyrir að heimsfaraldur kórónuveiru herji á heimsbyggðina mega landsmenn eiga von á að sjá skemmtiferðaskip í sumar. Eins og staðan er núna er gert ráð fyrir að 138 skemmtiferðaskip komi til Reykjavíkur með um 150.000 farþega. Reiknað er með að eitthvað verði um afbókanir og skipakomur verði eitthvað færri.

Fréttablaðið skýrir frá þessu í dag. „Það koma skip en þetta verður ekki stórt sumar,“ er haft eftir Pétri Ólafssyni, hafnarstjóra hjá Hafnarsamlagi Norðurlands. Ekkert skip kom til Akureyrar síðasta sumar og aðeins eitt í smærri hafnir fjórðungsins. Haft er eftir Pétri að þetta hafi valdið tekjutapi upp á 450 milljónir króna.

Yfirleitt eru pláss fyrir skemmtiferðaskip pöntuð með tvegga eða þriggja ára fyrirvara. Eitthvað hefur verið um afbókanir á Norðurlandi en þær eru snemmsumars. Flest skipin koma frá því um miðjan júní og fram í miðjan ágúst. „Nokkur skipafélög hafa þegar gefið út að þau ætli að sigla hingað með bólusetta farþega,“ sagði hann.

Hjá Faxaflóahöfnum hafa 138 skipakomur verið bókaðar og með þeim tæplega 150.000 farþegar. Erna Kristjánsdóttir, markaðsstjóri, sagði að gert væri ráð fyrir afbókunum á næstu mánuðum en ekki liggi fyrir hversu margar þær verða. Hún sagði að nokkur félög hafi í hyggju að sigla með farþega sem munu fljúga hingað til lands og fara í sýnatöku við komuna til Keflavíkur og aftur um borð í skipunum. Í fyrra komu sjö skemmtiferðaskip til Faxaflóahafna og með þeim um 1.300 farþegar. Tekjufallið var 600 milljónir króna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Skjálfti við Grindavík fannst í borginni – „Einn hressilegur“ segir íbúi á svæðinu

Skjálfti við Grindavík fannst í borginni – „Einn hressilegur“ segir íbúi á svæðinu
Fréttir
Í gær

Bandaríkin á nálum – Örlög löggunnar sem myrti George Floyd liggja nú fyrir

Bandaríkin á nálum – Örlög löggunnar sem myrti George Floyd liggja nú fyrir
Fréttir
Í gær

Jafnaðarmenn í borginni geta andað léttar – Borgarstjórinn bólusettur í dag

Jafnaðarmenn í borginni geta andað léttar – Borgarstjórinn bólusettur í dag
Fréttir
Í gær

Sagðist hafa reynt að snúa við blaðinu en var með efni til að framleiða amfetamín

Sagðist hafa reynt að snúa við blaðinu en var með efni til að framleiða amfetamín
Fréttir
Í gær

Sættir náðust ekki í fjölda mála gegn íslenska ríkinu hjá MDE

Sættir náðust ekki í fjölda mála gegn íslenska ríkinu hjá MDE
Fréttir
Í gær

Fluttur á sjúkrahús með stunguáverka

Fluttur á sjúkrahús með stunguáverka