21 greindust í gær með Covid-19, þar af 19 á sýkla- og veirufræðideild Landspítalans og Íslenskrar erfðagreiningar, eitt í skimun ÍE og annað í sóttkvíar- og handahófsskimun. Aðeins þriðjungur þeirra var í sóttkví.
Tveir eru nú inniliggjandi á sjúkrahúsi og hefur þeim því fjölgað um einn síðan í gær.
Samtals eru nú 793 í sóttkví sem er um 200 fleiri en voru í gær. Virk smit eru 108 á Íslandi.
Í gær hafði mbl.is eftir Kára Stefánssyni að útlit væri fyrir að þriðja bylgjan væri á leiðinni. „Mér finnst þetta líta út eins og það sé að koma þriðja bylgja. Sem stendur finnst mér hún mun meira ógnvekjandi en bylgja númer tvö.“
