Sigursteinn Másson, fyrrum fréttamaður, er í forsíðuviðtali DV sem kom út í morgun. Sigursteinn breytti viðhorfi almennings til geðsjúkra þegar hann opnaði sig um reynslu sína af geðhvörfum á sínum tíma en hann hefur ekki fundið fyrir einkennum sjúkdómsins í tíu ár. Furðulegt ástand og óvissa í samfélaginu hefur ekki raskað því, enda hefur Sigursteinn áhyggjur af annarri og mun alvarlegri vá sem heimsbyggðin stendur frammi fyrir sem hann ræðir í viðtalinu. Í viðtalinu ræðir hann einnig mögulega endurkomu í fjölmiðla.
Hefur þú velt því fyrir þér að snúa aftur í fjölmiðla?
„Þetta er reyndar ekki í fyrsta skipti sem ég er spurður að þessu. Ég er opinn fyrir öllu og ég útiloka ekkert. Það er svo margt spennandi sem er hægt að gera í fjölmiðlum. Ég held að ég verði alltaf viðloðandi fjölmiðla á einhvern hátt. Ég er opinn fyrir öllu sem hefur eitthvað að gera með þetta samfélag sem við búum í. Svo er bara spurning um að finna rétta vettvanginn.“
Í viðtalinu ræðir Sigursteinn einnig þá furðulegu staðreynd að hann hafi engan sérstakan áhuga á sakamálum. Það verður að teljast frekar magnað, þar sem hann stýrir hinum geysivinsælu þáttum, Sönn íslensk sakamál, sem nú má finna á hlaðvarpsformi.
Viðtalið í heilld sinni má finna í nýjasta tölublaði DV.
