fbpx
Laugardagur 08.ágúst 2020
Fréttir

Syndir feðranna

Svarthöfði
Sunnudaginn 22. september 2019 13:30

Ekki missa af Helstu tíðindum dagsins í pósthólfið þitt

Lesa nánar

Svarthöfði varð var við þá umræðu sem skapaðist eftir viðtal Íslands í dag við þrjú uppkomin börn umdeildra þingmanna á hægri vængnum. Svarthöfði beið raunar spenntur eftir umfjölluninni þar sem hún vakti vissulega forvitni hans. Í stuttu máli það olli þessi viðtalsþáttur alls ekki vonbrigðum og finnst Svarthöfða gaman að sjá að Ísland í dag hefur fundið smá brodd á nýjan leik. Vonandi þýðir þetta endalok þáttarins eins og hann er búinn að vera sem líktist frekar ódýrri sjónvarpsmarkaðsauglýsingu fremur en þætti um líðandi stundar. Þegar Svarthöfði fór að taka Landann fram yfir Ísland í dag vissi hann að ástandið var orðið slæmt.

Eins og gefur að skilja vakti umfjöllun Íslands í dag misjöfn viðbrögð meðal almennings. Sumum fannst þetta hið besta sjónvarpsefni, að heyra niðurlút börn stjórnmálamanna tala um slæmt umtal um feður sína. Aðrir sökuðu sjónvarpsþáttinn að um ganga erinda elítunnar og veltu fyrir sér hvort viðtölin ættu að bera út þann boðskap að stjórnmálamenn væru yfir gagnrýni hafnir því þeir ættu börn, þó að þeir hefðu jafnvel drukkið sig í óminni og drullað yfir minnihlutahópa. Áhugaverð skoðanaskipti finnst Svarthöfða.

Svarthöfði er hins vegar á því að þetta útspil í Ísland í dag hafi verið allt í senn; klókt, rammpólitískt, áhugavert og drepfyndið. Börnin virðast líka vera efni í afbragðsspunameistara. Því hvað snertir fólk meira en sorgmædd börn sem þurfa að gjalda fyrir gjörðir feðra sinna? Þvílíkt sjónvarpsefni! Á svipstundu eru allar misgjörðir pabbanna gleymdar. Þeir verða mannlegir, eiga börn, gráta í kodda og barma sér yfir ómaklegri gagnrýni. Gagnrýni á gjörðir sem eru samt tvímælalaust á tíðum mjög gagnrýnisverðar.

Svarthöfði verður því að taka hjálminn ofan fyrir þessum börnum, feðrum þeirra og dagskrárgerðarfólki Íslands í dag. Það er afrek að ná með nokkrum mínútum í sjónvarpi að útmá hatur og reiði fólks út í fordómafulla og oft á tíðum brotlega hegðun nokkurra frammámanna. Það mætti segja að þarna hefðu pabbarnir sloppið eins og smjör á smokknum hjá Friðriki Ómari.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 12 klukkutímum

Handtekinn með hátalarabox á hjóli – Barði rúður á veitingastað og grunaður um hótanir

Handtekinn með hátalarabox á hjóli – Barði rúður á veitingastað og grunaður um hótanir
Fréttir
Í gær

Lögreglumaður greindur með Covid-19 – 18 sendir í sóttkví

Lögreglumaður greindur með Covid-19 – 18 sendir í sóttkví
Fréttir
Í gær

Lofaði að endurgreiða helminginn en fór á hausinn

Lofaði að endurgreiða helminginn en fór á hausinn
Fréttir
Fyrir 2 dögum

Enn einu sinni kemur Íslensk erfðagreining til hjálpar

Enn einu sinni kemur Íslensk erfðagreining til hjálpar
Fréttir
Fyrir 2 dögum

Átak í gangi til að endurheimta stolið mótorhjól þýsks ferðamanns

Átak í gangi til að endurheimta stolið mótorhjól þýsks ferðamanns