Á næstu tveimur árum er reiknað með að um 1.500 ný hótelherbergi verði tekin í notkun í Reykjavík en þetta jafnast á við að 15 meðalstór borgarhótel hafi verið reist. Þetta er fjárfesting upp á 53 milljarða króna miðað við að hvert herbergi kosti að meðaltali 35 milljónir í byggingu.

Morgunblaðið skýrir frá þessu í dag. Haft er eftir Þorsteini Andra Haraldssyni, hjá Arion banka, að fjölgunin mæti eftirspurn. Spáð er 6% fjölgun ferðamanna á þessu ári og 2% á næsta ári auk þess sem uppsöfnuð þörf er fyrir fleiri hótelherbergi.

Þorsteinn segir að samhliða fleiri hótelherbergjum ætti framboð á ódýrum herbergjum að aukast.