fbpx
Sunnudagur 05.apríl 2020

Stóra spíramálið 1982 : Einsdæmi í 47 ára sögu ÁTVR og kom öllum á óvart

Kristinn H. Guðnason
Laugardaginn 23. mars 2019 22:00

Húsleit Tæki til eimingar fundust við Laugaveg.

Ekki missa af Helstu tíðindum dagsins í pósthólfið þitt

Lesa nánar

Haustið 1982 kom upp sérstætt sakamál sem laut að sölu spíra. Hafði starfsmaður ÁTVR stolið um þúsund lítrum og selt til landasala á höfuðborgarsvæðinu. Var spírinn síðan aðallega áframseldur til unglinga. Lögreglan hafði hraðar hendur og kallaði til sérsveit til þess að leysa málið.

 

Þekktur vínsölustaður

Fimmtudagskvöldið 11. nóvember árið 1982 voru tveir lögreglumenn í venjubundnu eftirliti í miðbæ Reykjavíkur. Á Laugaveginum sáu þeir tvo fimmtán ára unglinga, pilt og stúlku, standa við tröppur verslunar. Þau helltu áfengi úr kókflösku yfir í aðra flösku. Þegar lögreglan náði þeim kom í ljós að hreinn spíri var í kókflöskunni.

Farið var samstundis með unglingana niður á lögreglustöðina þar sem þau játuðu að hafa keypt flöskuna á 140 krónur af fimmtugum manni á Laugaveginum. Sögðu þau íbúðina vera þekktan vínsölustað á meðal unglinga í Reykjavík.

Kallaði lögreglan þá saman sérsveit og sendi að umræddu húsi til þess að gera húsleit. Fundust þá fjörutíu lítrar af hreinum spíra og tæki til eimingar. Var maðurinn samstundis handtekinn. Við yfirheyrslu vísaði maðurinn á þann sem hafði selt honum spírann. Sá maður var handtekinn á föstudagskvöldinu og viðurkenndi að hafa selt spírann til þriggja landasölumanna, þar á meðal mannsins sem húsleitin var gerð hjá. En jafnframt sagðist hann hafa fengið spírann hjá starfsmanni ÁTVR.

Spíri
Fannst á þekktum vínsölustað unglinga.

Forstjórinn grunlaus

Umræddur starfsmaður ÁTVR starfaði við áfengisblöndun og hafði því aðgang að spíranum. Þegar gengið var á starfsmanninn viðurkenndi hann að hafa stolið meira en þúsund lítrum af spíra frá stofnuninni og selt áfram til landasala. Stjórn ÁTVR var grunlaus þegar málið kom upp. Í samtali við DV þann 19. nóvember þetta ár sagði Jón Kjartansson, forstjóri:

„Nei, það var enginn grunur farinn að vakna innan fyrirtækisins um að spíranum hefði verið stolið. Starfsmaðurinn, sem valdur er að þjófnaðinum, var búinn að starfa hér hjá okkur í um þrjú ár og var ákaflega vel liðinn.“

Fannst mörgum það skrýtið hvernig svona mikið magn af spíra gat horfið frá ÁTVR án þess að neinn yrði þess var, hvorki í bókhaldi né annars staðar. Þúsund lítrar hreinlega láku út. Ef reiknað er með því að hver kókflaska af spíra kosti 140 krónur má reikna heildarsöluverðmæti spírans á 700 þúsund krónur.

Kjartan sagði að þetta mál væri einsdæmi í 47 ára sögu ÁTVR og hefði komið öllum á óvart. Umræddur starfsmaður hefði haft góð meðmæli.

Allir sem komu að stuldinum og dreifingu spírans játuðu samstundis á sig brotin. Hafði þjófnaðurinn staðið yfir í nærri heilt ár án þess að nokkur tæki eftir. Var málið talið upplýst.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 8 klukkutímum

Andlitsgrímur og treflar fyrir vitin geti aukið á sýkingahættu

Andlitsgrímur og treflar fyrir vitin geti aukið á sýkingahættu
Fréttir
Fyrir 8 klukkutímum

Enn vantar hjúkrunarfræðinga á Vestfirði

Enn vantar hjúkrunarfræðinga á Vestfirði
433Sport
Fyrir 11 klukkutímum

Stórstjarna braut reglur um útgöngubann með því að fá tvær vændiskonur heim til sín

Stórstjarna braut reglur um útgöngubann með því að fá tvær vændiskonur heim til sín
Eyjan
Fyrir 11 klukkutímum

Segir nýtt frumvarp um jarðakaup dapurlegt – „Milljarðamæringurinn Ratcliffe gæti fengið leyfi til að safna fleiri jörðum“

Segir nýtt frumvarp um jarðakaup dapurlegt – „Milljarðamæringurinn Ratcliffe gæti fengið leyfi til að safna fleiri jörðum“
Eyjan
Fyrir 12 klukkutímum

Segir enga sértæka þjónustu lengur í boði fyrir börn alkóhólista eftir uppsagnir hjá SÁÁ – „Þetta er oft falinn hópur“

Segir enga sértæka þjónustu lengur í boði fyrir börn alkóhólista eftir uppsagnir hjá SÁÁ – „Þetta er oft falinn hópur“
Matur
Fyrir 14 klukkutímum

Átta ástæður fyrir því að kaffineyslan geri þér gott

Átta ástæður fyrir því að kaffineyslan geri þér gott
433Sport
Fyrir 15 klukkutímum

Frúin bjargar Ronaldo á meðan allt er lokað

Frúin bjargar Ronaldo á meðan allt er lokað