Mexíkóska fyrirsætan og áhrifavaldurinn Isabel Jaime sætir nú harðri gagnrýni fyrir að hafa ferðast á meðan hún fann fyrir einkennum kórónuveirunnar. Hún hefur nú viðurkennt að hún hafi verið með COVID-19 og smitað nokkra ættingja og einn starfsmann. DailyStar greinir frá.
Hún greindi frá þessu á Instagram þar sem hún er með tæplega 230 þúsund fylgjendur.
Isabel sagðist hafa farið í brúðkaup bróður kærasta síns þar sem gestir hafi virt fyrirmæli um hæfilega fjarlægð frá næsta manni. Hún var dugleg að deila myndum úr brúðkaupinu, sem var í Cancun í júlí síðastliðnum.
https://www.instagram.com/p/CC19XmxHdq4/
Eftir brúðkaupið byrjaði Isabel að finna fyrir einkennum og ákvað að ferðast aftur heim til Monterrey. Hún sagði frá því á Instagram að hún greindist í kjölfarið með COVID-19 og hafi smitað nokkra fjölskyldumeðlimi og einn af þremur starfsmönnum sínum.
Fjöldi fylgjenda hennar gagnrýndu hana fyrir að ferðast með einkenni COVID-19. Gagnrýnin var svo mikil að á tímapunkti sagðist Isabel vera lögð í neteinelti. En stuttu seinna bað hún fylgjendur sína og samstarfs- og styrktaraðila afsökunar.
Mexíkó er í þriðja sæti á lista yfir þau lönd sem hafa misst flest mannslíf úr COVID-19. Rúmlega 50 þúsund manns hafa dáið úr sjúkdómnum samkvæmt Reuters. Það hafa rúmlega 460 þúsund manns greins með kórónuveiruna síðan í febrúar.
