Ung kona leitar ráða til Dear Deidre, kynlífs- og sambandsráðgjafa The Sun. Hún fékk tölvu kærasta síns lánaða og fann virkilega ógeðslega síðu.
„Ég fékk tölvu kærasta míns lánaða og fann „nauðgunar-klámsíðu“ í vafrasögunni (e. history) sem hafði verið heimsótt margsinnis. Ég skoðaði síðuna, og það kemst ekki nálægt því að segja að ég hafi verið hneyksluð,“ segir konan.
„Ég er 23 ára og kærasti minn er 29 ára. Hann sver að þetta var ekki hann sem horfði á þetta. Hann segist hafa skilið eftir fartölvuna sína heima hjá vini sínum yfir helgi og var nýbúinn að sækja tölvuna þegar ég fékk hana lánaða.
Var þetta vinur hans, vinur vinar hans eða kærasti minn? Það er ekkert lykilorð til að komast inn í tölvuna hans þannig þetta hefði getað verið hver sem er.
Hann er mjög blíður elskhugi og segir að svona vefsíður séu viðbjóðslegar og ógeðslegar, en hvernig get ég verið viss?“
Deidre segir konunni að treysta eðlishvöt sinni.
„Treystu eðlishvöt þinni og ekki láta grunsemdir eyðileggja frábært samband. Það getur verið að vinum hans hafi fundist þetta vera brandari og að kærasti þinn gæti þurft að vera meðvitaðri um hverjum hann lánar tölvuna.“
Hvað segja lesendur, hvað á konan að gera?