Ljósmyndarinn Nicolas Bruno eyðir dögunum sínum eins og við hin, en næturnar hans eru allt öðruvísi og mjög óhugnanlegar. Nicolas, 22 ára, þjáist af svefnlömun og hefur gert það síðastliðin sjö ár. Sem þýðir að hann upplifir martraðir mun skýrar og greinilegar heldur en annað fólk.
Svefnlömun er ástand sem er oft einnig nefnt svefnrofalömun sökum þess að það einkennist af lömunartilfinningu og getuleysi til hreyfinga, annaðhvort við upphaf svefns eða sem algengara er við lok hans. Viðkomandi upplifir oft að hann getur hvorki hreyft legg né lið, en flestir sem upplifa þetta geta þó hreyft augun og eru meðvitaðir um umhverfi sitt. Venjulega er þetta ógnvekjandi upplifun, sérlega ef erfiðleikar við öndun fylgja með, sem stundum gerist. Ofsjónir eða ofheyrnir fylgja stundum svefnrofalömunum, eins og í tilfelli Nicolas Bruno.
Hugurinn hans Bruno er þá vakandi og upplifir þessar hræðilegu ofsjónir. Þetta leiddi til þess að hann upplifði svefnleysi og þunglyndi. „Ég hélt ég væri gagntekinn af djöflum,“ sagði hann samkvæmt Bored Panda. Sem betur fer breyttist allt eftir að einn kennarinn hans ráðlagði honum að skrá niður þessar ógnir og skelfingar. Hann hefur verið að berjast við óttann sinn með ljósmyndun síðan þá.
„Þetta verkefni gaf mér styrk til að gefast ekki upp á lífinu, til að skapa list og tala við fólk. Ég veit ekki hvar ég væri án þess.“
Sjáðu hvernig martraðir Nicolas líta út hér fyrir neðan:
