Eftirlitsmaður í verksmiðju neyðist til að velja á milli þess að sýna gömlum vini eða flokknum hollustu; kona sveltir sjálfa sig til að eiginmaður hennar, fyrirvinnan, fái nóg að borða til að halda starfskröftum sínum; ljós rennur upp fyrir dyggum flokksmanni þegar sonur hans afhjúpar raunveruleika þeirra sem leikhús fáránleikans.
Þetta er brot úr efni smásagna sem lýsa lífinu í N-Kóreu í stjórnartíð Kim Jong-II. N-kóreskur rithöfundur skrifaði sögurnar í leyni en í þeim er stjórnarfarið í þessu lokaða harðstjórnarríki gagnrýnt. Árið 2013 tókst að smygla sögunum úr landi og birtast sjö þeirra í bókinni Sakfelling. Forboðnar sögu frá Norður-Kóreru. Útgáfurétturinn að bókinni hefur verið seldur til 20 landa.
Þessar einstæðu sögur eru nú komnar út í íslenskri þýðingu á vegum Angústúra forlags. Þýðandi er Ingunn Ásdísardóttir.
Bækur í áskrift
Angústúra forlag býður bækur í áskrift, fjögur áhugaverð verk á ári sem gefa innsýn í ólíka menningarheima. Bækur sem slegið hafa í gegn víða um heim í vönduðum þýðingum og fallegri útgáfu. Af fjórum bókum eru þrjár nýjar eða nýlegar og eitt klassískt nútímaverk. Hverri bók fylgir sérhannað póstkort. Hægt er að skrá sig í áskrift með því að smella hér.