fbpx
Mánudagur 15.júlí 2019  |

DV - Frjáls og óháður miðill

Ingvar gefur frá sér nýtt lag: „Nú er öllu lokið, ég sé þig aldrei meir“

Ragna Gestsdóttir
Þriðjudaginn 8. maí 2018 09:30

Ekki missa af Helstu tíðindum dagsins í pósthólfið þitt

Lesa nánar

Gítarleikarinn og trúbadorinn Ingvar Valgeirsson hefur sent frá sér lagið Aldrei meir.

Ingvar á bæði lag og texta, auk þess að syngja og spila á gítar. Honum til fulltingis eru Hannes Friðbjarnarson á trommum, Ingimundur Óskarsson á bassa og Stefán Örn Gunnlaugsson á hljómborð, sem einnig sér um upptökustjórn. Lagið var tekið upp í Stúdíó Bambus.

„Meðspilararnir eru alveg dásamlegir snillingar sem ég er svo heppinn að hafa fengið að starfa með í gegnum tíðina. Hannes í Buff (sem spilar líka með mér í Bítlabandinu Helter Skelter), Ingimundur Óskars bassaleikari í Dúndurfréttum og Stefán Örn hljómborðssnillingur og upptökustjóri sem ég spilaði mikið með í gamla daga.“

 

Þetta er annað lagið sem Ingvar gefur út, en í fyrra kom út blúslag: Blús í G#.

„Það er meira í vinnslu,“ segir Ingvar, „en tíminn hefur einstakt lag á að fljúga frá manni.“

Aldrei meir er að sögn Ingvar „týpískt regret-lag. Textinn kannski útskýrir sig mest sjálfur. Textinn var reyndar lengri, en ég ákvað að stytta hann, þar sem lagið var alveg nógu lagt, hálf sjötta mínúta. Tilvalið klósettlag fyrir útvarpsfólk,“ segir Ingvar og hlær.

Aldrei meir er aðgengilegt bæði á YouTube og Spotify.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 6 klukkutímum

Örnefnanefnd glímir við Google maps – Enskar þýðingar eins og „Diamond beach“ geti stefnt lífi fólks í hættu

Örnefnanefnd glímir við Google maps – Enskar þýðingar eins og „Diamond beach“ geti stefnt lífi fólks í hættu