Þrjú ár eru liðin síðan Ólafur og Dorrit kvöddu Bessastaði og nýju bændurnir, Guðni og Eliza, settust þar að. Ólafur var forseti landsins í sextán ár. Þar áður átti hann langan feril í stjórnmálum að baki, bæði í Framsóknarflokknum og Alþýðubandalaginu. Sat hann meðal annars sem fjármálaráðherra í tæp þrjú ár.

Ólafur hafði Guðrúnu Katrínu Þorbergsdóttur sér við hlið fyrstu tvö árin í embætti forseta en hún féll frá árið 1998. Eftir það kynntist hann Dorrit Moussaieff, frá Ísrael, og giftust þau árið 2003. Dorrit var áberandi forsetafrú en engu að síður hefur hjónaband þeirra verið hjúpað vissri dulúð.

Ólafur er nú kominn vel á áttræðisaldur en hann lætur það ekki stöðva sig í að ferðast um heiminn og spóka sig með heimsleiðtogum líkt og hann gerði áður. Í vor hlýddu Ólafur og Dorrit til að mynda á ræðu Frans páfa í Vatíkaninu og flugu þaðan beint í brúðkaup í Mumbai á Indlandi. Þar voru á meðal gesta Tony Blair, fyrrverandi forsætisráðherra Bretlands, og Ban Ki-Moon, fyrrverandi aðalritari Sameinuðu þjóðanna.

Ekki leiddist honum heldur þegar brjóstmynd af honum sjálfum var afhjúpuð á Bessastöðum.

Ólafur og Dorrit búa nú í rauðu einbýlishúsi í Mosfellsbænum. Með húsinu fylgir veglegt gróðurhús.

Heimili:

Reykjamelur 11

335,1 fm

Fasteignamat: 87.928.000 kr

Ólafur Ragnar Grímsson:

Tekjublað DV 2018: 3.355.000 kr