Áhrifavaldurinn Sólrún Diego gengur í það heilaga í sumar með unnusta sínum, Frans Veigari Garðarssyni. Parið á tvö börn, dótturina Maísól sem verður fjögurra ára í sumar og soninn Maron sem er nýorðinn eins árs. Turtildúfurnar eru nú í óðaönn að skipulegga eitt af brúðkaupum ársins og er Sólrún dugleg að leyfa fylgjendum sínum á Instagram að fylgjast með. Þetta er allt sem við vitum um brúðkaupið.
Sólrún og Frans leyfa gestum að fagna með sér fram á rauða nótt í salnum Háteigur á Grand Hótel. Salurinn er frekar nýlegur og var tekinn í notkun á seinasta ári. Salurinn er afar glæsilegur og er útsýnið yfir Reykjavík algjörlega óborganlegt.
Sólrún er búin að panta tíma í brúðarkjólamátun hjá brúðarkjólaversluninni Grace Loves Lace í London. Sólrún fer til London í næstu viku til að finna draumakjólinn, en meðal þeirra sem fara með henni eru vinkonur hennar og áhrifavaldarnir Camilla Rut og Lína Birgitta.
Grace Loves Lace er í hinu ofursmarta Shoreditch-hverfi í London, en allir kjólarnir eru handsaumaðir í Ástralíu. Hægt er að fá kjóla á ýmsu verði, allt frá sjötíu þúsund krónum og upp úr.
Sólrún er búin að birta myndir af brúðarkjólapælingum sínum og ef marka má þær mætti halda að hún verði með slör á brúðkaupsdaginn.
Sólrún er ein af þessum smart Íslendingum og er ávallt óaðfinnanlega hreint og smekklegt heima hjá henni, eins og þeir sem fylgja henni á Instagram vita.
Því er ekki furða að nafnaspjöldin í veislunni séu með eindæmum falleg og gefa hugmynd um hvernig skreytt verður í veislunni og hvernig þema verður.
Leiða má að því líkur að einhver hluti af brúðkaupsstuðinu verði einhvers konar samstarf við fyrirtæki, enda er það ein aðalatvinna Sólrúnar. Nú þegar vitum við að Sólrún er í samstarfi við Kjötkompaníið um snittur og mat í veisluna.
Börnin verða náttúrulega að taka virkan þátt í veisluhöldunum og er Sólrún nú þegar farin að æfa sig í greiðslum fyrir Maísól litlu.
Sólrún og Frans eru nú þegar byrjuð að skoða hugsanlegar staðsetningar til að eyða hveitibrauðsdögunum og er Cancún í Mexíkó ofarlega á blaði, nánar tiltekið griðarstaðurinn Oleo Cancun Playa, sem er miklu meira en bara hótel.
Oleo Cancun Playa er 4.5 stjörnu sumarleyfisstaður þar sem gestir koma til að láta dekra við sig frá A til Ö. Nóttin kostar í kringum 33 þúsund krónur og er mikið lagt upp úr því að gestum líði vel í þessu paradísar umhverfi.