Árni og Guðrún hafa verið að vekja athygli á samfélagsmiðlum um tíma og ræddi Árni um málið í viðtalsþætti DV, Fókus, í mars.
Sjá einnig: „Við verðum alveg vör við það að fólk er byrjað að slúðra í kringum okkur og finnst þetta skrýtið“
Hjónin eru ófeimin við að vera fáklædd eða nakin á samfélagsmiðlum og í daglegu lífi. Guðrún heldur vikulega svo kallaðar „naktar náttúru gusur,“ þar sem fólk kemur nakið saman í sauna og stýrir Guðrún ferðinni.
Sjá einnig: Árni og Guðrún setja ekki merkimiða á sambandsformið – „Opin fyrir náttúrulegum tengingum ef þær koma“
Í þættinum ræða hjónin um nekt og hvernig nekt hefur alltaf verið mjög náttúruleg og eðlileg fyrir Guðrúnu, en fyrir Árna hafi þetta verið lærdómsferli.
Guðrún segir einnig að henni hefur alltaf liðið vel í eigin skinni, en hún sé meðvituð um að það sé ekki endilega saga allra.
„Ég man þegar við vorum að byrja saman,“ segir Árni við Guðrúnu og heldur áfram:
„Þú varst alltaf eitthvað nakin á vappi um húsið, með opin gluggatjöld og ég bara eitthvað: „Guðrún! Við verðum að draga fyrir, það má ekki sjást í þig.“ Og þú bara: „Ha? Hvað meinarðu?“ Þetta var rosalega skrýtið fyrir mig því ég var með allt öðruvísi sýn á þetta.“
Árni segir að vandamál hans varðandi líkamsímynd hafi spilað þar inn í.
View this post on Instagram
Hjónin ræða einnig um saunaviðburðina sem Guðrún heldur vikulega þar sem fólk má mæta nakið.
„Ég hef fundið að karlmenn hafa verið pínu stressaðir. „Hvað ef ég fæ bara bóner?“ Og hvað þá? Ekkert. Það er bara eins og það er,“ segir Guðrún.
Þau segja að það sé hægt að fá standpínu fyrir alls konar hlutum, eins og lífinu.
View this post on Instagram
„Eitt af því sem við höfum verið að lenda í, þegar við erum að deila frá okkar lífi, og það sést kannski í eina geirvörtu eða rassaskoru, þá [bannar Instagram það]. Það er svo mikið verið að ritskoða mann alls staðar,“ segir Árni.
„Svo er líka fólk í kringum okkur, sem segir að „þessi nekt á ekki heima í kringum myndir af börnunum ykkar.“ Eða: „Þetta á ekki samleið. Þið nakin í náttúrunni og næsta mynd eruð þið að kaupa ís með börnunum ykkar.““
Guðrún og Árni segjast ósammála þessu. „Þetta má eiga samleið. Og á ekki að vera eitthvað skítugt, ekki í lagi,“ segir Guðrún.
View this post on Instagram
„Meira að segja, það getur verið eitthvað mjög saklaust, einhver mynd af okkur úti í náttúrunni sem er algjörlega ókynferðisleg. Og svo næsta mynd af börnunum okkar. Það er á gráu svæði, helst ekki. En hvað ef við myndum birta eitthvað sem er svolítið kynferðislegt og svo eitthvað með börnunum okkar. Má það coexista? Eða er það bara nei, nei,“ segir Árni.
„Mér finnst það mega, því við höfum líka einmitt tekið [myndband af okkur] á djamminu að dansa og þá er líka fólk bara: „Bíddu, hvað er í gangi hjá Árna og Guðrúnu?“
Þau ræða meira um nekt í þættinum sem má hlusta á í heild sinni hér að neðan.
