fbpx
Sunnudagur 22.september 2019  |

DV - Frjáls og óháður miðill

Fókus

Fékk verðlaunaféð fimmtán árum síðar

Björn Þorfinnsson
Sunnudaginn 10. febrúar 2019 18:00

Ekki missa af Helstu tíðindum dagsins í pósthólfið þitt

Lesa nánar

„Þetta kom flatt upp á mig, enda hafði ég ekki hugmynd um að mér hefði áskotnast þessi verðlaun á sínum tíma,“ segir Hannes Hlífar Stefánsson, stórmeistari í skák. Hannes Hlífar situr að tafli á alþjóðlegu skákmóti í Lissabon í Portúgal ásamt kollega sínum, stórmeistaranum Þresti Þórhallssyni.

Hannes sagði frá því á Facebook-síðu sinni að þegar mótið var hafið kom einn þekktasti skákmaður Kanada, stórmeistarinn Kevin Spraggett, upp að íslenska stórmeistaranum og afhenti honum fyrirvaralaust 250 evrur. „Hann tjáði mér að ég hefði unnið til einhverra aukaverðlauna á stóru alþjóðlegu skákmóti í Cappelle La Grande í Norður-Frakklandi. Ég hef oft teflt þar, en það sem kom mér á óvart var að ég hefði unnið til þessara verðlauna fyrir fimmtán árum síðan, eða árið 2004. Ég man ekki hver ástæðan var, en ég var ekki viðstaddur verðlaunaafhendinguna og því tók Kanadamaðurinn við umslagi fyrir mína hönd. Hann ætlaði síðan að láta mig fá aurana á næsta móti sem við hittumst á, en gerði kannski ekki ráð fyrir því að það yrði fimmtán árum síðar,“ segir Hannes Hlífar kíminn. Aðspurður þá segir hann til greina koma að kaupa sér íslenskan saltfisk á einhverjum veitingastað í borginni fyrir verðlaunaféð.

Hannes Hlífar Stefánsson, stórmeistari í skák

Annars gengur allt Hannesi í haginn í Lissabon. Hann er í toppbaráttu mótsins með fimm vinninga eftir sex umferðir. Þröstur er skammt undan með 4½ vinning. Hægt er að fylgjast með skákum meistaranna í beinni útsendingu á skak.is.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Syndir feðranna
Fókus
Fyrir 2 dögum

Steindi Jr. þarf þína hjálp til að hjálpa Hirti – „Án ykkar deyr hann gleymdur maður. Viljið þið hafa það á samviskunni?“

Steindi Jr. þarf þína hjálp til að hjálpa Hirti – „Án ykkar deyr hann gleymdur maður. Viljið þið hafa það á samviskunni?“
Fókus
Fyrir 2 dögum

Þetta eru skærustu stjörnurnar sem Íslendingar hafa hitt: „Hann sullaði bjór yfir mig.“

Þetta eru skærustu stjörnurnar sem Íslendingar hafa hitt: „Hann sullaði bjór yfir mig.“
Fókus
Fyrir 4 dögum

Haturssíða stofnuð í nafni dóttur Guðmundu: „Hjartað mitt er gjörsamlega í molum”

Haturssíða stofnuð í nafni dóttur Guðmundu: „Hjartað mitt er gjörsamlega í molum”
Fókus
Fyrir 4 dögum

Reykjavíkurdætur hakka Önnu Svövu í sig: „Komin í eitthvað grínþrot“

Reykjavíkurdætur hakka Önnu Svövu í sig: „Komin í eitthvað grínþrot“