„Þetta var mikið áfall. Mjög mikið,“ segir Sigurjón Sighvatsson einn af umsvifamestu kvikmyndaframleiðendum Íslands. Sigurjón hefur notið mikillar velgengi í starfi undanfarna áratugi og komið að gerða fjölda stórra Hollywood kvikmynda. Hann hefur þó sloppið við áföll í einkalífinu en hann gekk í gegnum gríðarlega erfiðan tíma árið 1991 þegar eldri bróðir hans, Karl J. Sighvatsson tónlistarmaður lést af slysförum.

Það var árið 1991 sem að Karl lét lífið í hörmulegu slysi á Hellisheiði, en hann var aðeins rúmlega fertugur að aldri. Karl er einn þekktasti Hammond-orgelleikari íslenskrar tónlistarsögu og lék með fjölda hljómsveita á sjöunda og áttunda áratugnum, þar á meðal Tónum, Dátum, Flowers og Trúbrot. Í viðtali við sjónvarpsþáttinn Mannamál sem sýndur er á Hringbraut í kvöld rifjar Sigurjón meðal annars upp þá stund þegar hann fékk fréttirnar af andláti Karls „Kalla“ bróður síns.

„Ég man alveg eftir því. Maður bara trúði því ekki. Það var nágranni sem þurfti að hringja í mig af því að við vorum erlendis. Það var mjög þungbært. Eins og ég segi, ég bara hreinilega trúði þessu ekki,“ segir Sigurjón. Hann líkir bróðurmissinum við það að missa hluta af sjálfum sér. Stutt var á milli þeirra bræðra í aldri og sambandið á milli þeirra var náið.

„Það var alltaf svolítil spenna á milli okkar bræðranna, við vorum bara með þannig persónuleika, við báðir. En við vorum engu að síður mjög nánir, sérstalega í seinni tíð. Hann var í Boston að læra og ég var í LA að læra. Þannig að við vorum alltaf í miklu sambandi.“

Hann segir bróður sinn hafa búið yfir snilligáfu. „Það fólk hefur náttúrulega ýmsa aðra djöfla að draga.Það var náttúrlega alveg ljóst með Kalla frá byrjun. Það voru erfiðleikar, alveg sfrá því hann var 12, 14 ára. Skapgerðarbrestir, og þeir gengu upp og niður alla hans ævi.“

[youtube https://www.youtube.com/watch?v=jFVZchc5PPQ&w=600&h=550]