Hér fyrir neðan má sjá stikluna fyrir Hollywood kvikmyndina Alpha en þar fer Jóhannes Haukur Jóhannesson með eitt hlutverkanna. Leikstjóri myndarinnar er Albert Hughes en henni er lýst sem ævintýralegri sögu sem gerist 20.000 árum eftir síðustu ísöld.
Hughes er ekkert smámenni í kvikmyndageiranum vestan hafs en meðal annarra verka hans má nefna The Book of Eli með Denzel Washington og From Hell með þeim Johhny Depp og Heather Graham.
Kodi-Smit Mcphee, sem margir þekkja úr X Men myndunum fer með aðalhlutverkið í Alpha og er því ljóst að Jóhannes Haukur er þar í góðum félagsskap. Fyrirhugað er að myndin fari í sýningu hér á landi í mars á næsta ári.
Jóhannes Haukur deilir stiklunni sjálfur á facebooksíðu sinni ásamt meðfylgjandi skilaboðum: „Loksins fyrsti treilerinn! Þetta var maður að bardúsa í fjóra mánuði í Kanada í fyrra, og svo í Los Angeles í jan á þessu ári. ALPHA verður svo í kvikmyndahúsum um allan heim í mars 2018 (Kvikmyndahúsum Senu á Íslandi). Ég leik pabba aðal gæjans. Minns er vitur og knár.“
[youtube https://www.youtube.com/watch?v=uIxnTi4GmCo&w=600&h=340]
