Neytendastofa mun ekki grípa til aðgerða vegna kvörtunar Nautafélagsins ehf., sem á og rekur Hamborgarafabrikkuna, vegna notkunar Gjóna ehf. á auðkenninu „Ísfabrikkan“.
Taldi Nautafélagið að notkun Gjóna á auðkenninu væri villandi og til þess fallið að valda ruglingi milli fyrirtækjanna. Neytendastofa tók ekki undir þetta, meðal annars í ljósi þess að myndmerki fyrirtækjanna væru ólík og þá starfaði Nautafélagið í Reykjavík en Gjóna í Þrastalundi á Selfossi.
Þess má geta að Nautafélagið kvartaði til Neytendastofu árið 2014 til að fá eiganda Pizzafabrikkunnar til að skipta um nafn. Neytendastofa bannaði Pizzafabrikkunni í kjölfarið að nota nafnið.
