Fjölmiðlakonan María Lilja Þrastardóttir er ósátt við „frétt“ Eiríks Jónssonar þar sem fullyrt er að hún sé drukkin að skrifa Facebook-færslu. Hefur fréttin vakið nokkra athygli. Þar má sjá skjáskot af færslu Maríu Lilju þar sem hún viðhefur eftirfarandi ummæli: „Æ góða skíttu í píkuna á þér.“ Var ummælunum beint gegn Júlíönu Einarsdóttur og fullyrti Eiríkur, eins og áður segir, að María Lilja hefði viðurkennt að hafa verið drukkin þegar hún skrifaði færsluna. Vildi Eiríkur nota færsluna sem dæmisögu um að áfengisneysla og Facebook færu illa saman.

Því er hinsvegar öðru nær. Júlíana og María Lilja eru ágætar vinkonur og voru ummælin augljóslega sett fram í gríni. María Lilja sá þig því knúna til þess að senda út eftirfarandi áréttingu á Facebook-síðu sinni: „Ég var bláedrú þegar ég sagði Júlíönu að skíta í píkuna á sér og það stendur.“ Með yfirlýsingunni fylgdi broskarl en Maríu Lilju var síður en svo hlátur í hug.

Á Facebook-síðunni Fjölmiðlanördar steig hún fram og fordæmdi vinnubrögð Eiríks. „Þetta geta nú ekki talist eðlileg vinnubrögð. Hér heldur Eiríkur því fram algjörlega uppúr þurru að ég sé drukkin á facebook um miðjan dag í gær þegar ég gantaðist við vinkonu. Þetta er algjör uppspuni frá rótum. Auk þess full(hehe)yrðir hann að þetta tvennt fari illa saman án þess að útskýra hvað hann eigi við með því. Þetta er eiginlega súrealísk skita Eiríkur. Afhverju varstu að segja þetta um mig? Hver er tilgangurinn? Og hvað þykir blaðamönnum almennt um þessi vinnubrögð?,“ segir María Lilja.

Eiríkur hefur ekki tjáð sig vegna málsins.

Árétting Maríu: