Paris Saint-Germain er farið að huga að styrkingum fyrir næsta tímabil og hefur í því samhengi rætt við umboðsmenn tveggja sóknarsinna.
Samkvæmt frönskum miðlum hefur ráðgjafi félagsins, Luis Campos, átt viðræður við fulltrúa Gabriel Martinelli, leikmanns Arsenal.
Einnig hefur PSG sýnt áhuga á Yan Diomande, 19 ára kantmanni RB Leipzig, sem er talinn einn efnilegasti ungi leikmaður Evrópu um þessar mundir.
Viðræðurnar eru á frumstigi en sýna að PSG er að kanna möguleika á að bæta við hraða og gæðum í sóknarlínuna.
