Patrick Vieira, goðsögn hjá Arsenal, gagnrýnir ákvörðun Mikel Arteta í 2-1 tapi gegn Manchester City um helgina.
Vieira telur að það hafi verið mistök að taka Eberechi Eze af velli á 74. mínútu. Sóknarmaðurinn hafði verið líflegur í leiknum, kom sér í góðar stöður og meðal annars skotið í stöng.
City tryggði sér sigurinn með mörkum frá Erling Haaland og Rayan Cherki, en mark Arsenal kom eftir að Kai Havertz nýtti mistök í vörninni.
Vieira sagði Eze hafa verið að komast betur og betur inn í leikinn. „Ég var svekktur að sjá hann fara af velli. Hann var að skapa hættu og hafði gæði til að opna vörnina,“ sagði hann.
Arsenal er enn í toppbaráttunni en hefur nú aðeins þriggja stiga forskot á City, sem á leik til góða.
