fbpx
Fimmtudagur 13.júní 2024
Fókus

Lifir enn á því að Vigdís hafi veifaði henni

Fókus
Sunnudaginn 19. maí 2024 12:30

Vigdís Finnbogadóttir 1980

Ekki missa af Helstu tíðindum dagsins í pósthólfið þitt

Lesa nánar

Fjóla Einarsdóttir þróunar- og stjórnmálafræðingur ritaði fyrr í dag grein á Vísi. Tilgangur greinarinnar er einkum að lýsa yfir stuðningi við forsetaframboð Baldurs Þórhallssonar en athygli vekur einnig einlæg frásögn Fjólu af örsnöggum kynnum hennar við Vigdísi Finnbogadóttur, þegar Vigdís var forseti, sem þó er varla hægt að kalla kynni enda veifaði Vigdís Fjólu en þær ræddu ekki saman. Segist Fjóla lifa enn á þessum atburði þótt yfir 30 séu liðin.

Fjóla segir í greininni að hún sé fyrrverandi nemandi Baldurs í stjórnmálafræði við Háskóla Íslands og hafi numið þau fræði rétt eftir síðustu aldamót. Hún ber Baldri vel söguna, hann hafi reynst henni afar góður kennari, vakið hjá henni áhuga og haft talsverð áhrif á hvaða leið hún fór eftir að náminu lauk.

Fjóla segist ekkert hafa vitað um persónulega hagi Baldurs þegar hún var nemandi hans. Að slíku hafi ekki verið spurt og Baldur hafi ekki tjáð sig um það að fyrra bragði. Hún segist hins vegar án efa hafa orðið ánægð ef hún hefði vitað þá hver maki Baldurs var á þeim tíma og er enn:

„Ef ég hefði vitað á þessum tíma að Felix væri hans maki hefði ég sennilega lýst yfir aðdáun minni á góðu vali þar sem Felix ásamt Gunnari Helga svæfðu ungan son minn öll kvöld þessi ár með Traust og Trygg (á snældum). Sem var dásamlegt fyrir einstæða móður í námi.“

Forsetinn hafi sannarlega áhrif

Fjóla rifjar í lok greinarinnar upp söguna af því þegar Vigdís veifaði henni og segir að það sé til marks um að forsetinn og forsetaembættið hafi sannarlega áhrif og skipti máli. Þetta hafi átt sér stað í hennar heimasveit Hjaltadal í Skagafirði en þar er eins og flestir ættu að vita hinn sögufrægi staður Hólar:

„Árið var 1990, ég var 12 ára og í ein í reiðtúr sem og oft á Heimi mínum, skírður auðvitað í höfuðið á karlakórnum hans pabba, þegar forsetabíllinn keyrir framhjá. Bíllinn hægir á sér og Vigdís skrúfar niður aftur rúðuna og veifar mér. Ég veifaði henni á móti og fannst ég vera fræg fyrir að forseti Íslands hefði veifað mér. Allir sem vildu heyra og hinir líka fengu að heyra söguna þegar Vigdís veifaði mér. Þið sjáið að ég lifi enn á þessu.“

Fjóla bætir við í lokin:

„Eitt lítið augnablik sem forsetinn veitir einhverjum athygli getur varað í lífstíð hjá viðkomandi. Embættið hefur þau áhrif. Munum það.“

Grein Fjólu í heild er hægt að nálgast hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Draumateymið eru stjörnurnar sem hafa tröllriðið fyrirsögnum ársins – Fyrrverandi J. Lo, Baby Reindeer parið og Gypsy Rose

Draumateymið eru stjörnurnar sem hafa tröllriðið fyrirsögnum ársins – Fyrrverandi J. Lo, Baby Reindeer parið og Gypsy Rose
Fókus
Fyrir 2 dögum

Skömmunum rignir yfir RÚV – „Vér mótmælum öll“

Skömmunum rignir yfir RÚV – „Vér mótmælum öll“
Fókus
Fyrir 2 dögum

Þakkar litlu Ellý fyrir að standa með sér – „Þú hefur sýnt það og sannað að þú trúir á okkur“

Þakkar litlu Ellý fyrir að standa með sér – „Þú hefur sýnt það og sannað að þú trúir á okkur“
Fókus
Fyrir 2 dögum

„Ég geri mitt besta til að lifa einn dag í einu og gera það besta úr hverjum degi sem mér er gefinn“

„Ég geri mitt besta til að lifa einn dag í einu og gera það besta úr hverjum degi sem mér er gefinn“
Fókus
Fyrir 3 dögum

Skaftáreldar 1783–1784 – Voru þeir örlagavaldur í þróun vestrænna samfélaga?

Skaftáreldar 1783–1784 – Voru þeir örlagavaldur í þróun vestrænna samfélaga?
Fókus
Fyrir 3 dögum

Leikarinn segir það hjálpa ferli sínum að vera lögblindur

Leikarinn segir það hjálpa ferli sínum að vera lögblindur