Það var mikið fjör er verðlaunahátíðin Eddan var haldin í Háskólabíói í gær. Þó svo að sjónvarpskonurnar Edda Sif Pálsdóttir og Kristjana Arnarsdóttir hafi ekki unnið í flokknum „Sjónvarpsmaður ársins“ þá létu þær það ekki á sig fá og virtust hafa skemmt sér konunglega á hátíðinni, að minnsta kosti ef miðað er við færslur þeirra á samfélagsmiðlinum Twitter.
Eftir að ljóst var að Helgi Seljan væri sjónvarpsmaður ársins deildi Edda Sif mynd af sér ásamt Kristjönu og Guðrúnu Sóley Gestsdóttur, sem einnig var tilnefnd í flokknum. Á myndinni má sjá þær allar með fýlusvip en Guðrún sýnir myndavélinni einnig löngutöng. „Hver er í alvörunni ekki búinn að fá nóg af Helga Seljan?!“ skrifar Edda Sif í góðlátlegu gríni með myndinni. „Skil ekkert!!!“ skrifar Kristjana svo í athugasemdunum við myndina en Helgi sjálfur slær líka á létta strengi og segir: „TENGI!“
Hver er í alvörunni ekki búinn að fá nóg af @helgiseljan ?! 😂❤️ #eddan pic.twitter.com/2HeCcuHgmv
— Edda Sif Pálsdóttir (@EddaSifPalsd) September 18, 2022
Önnur færsla Eddu í gær vakti þó mun meiri athygli á samfélagsmiðlinum. Alls hafa rúmlega 1.500 manns sett hjarta við þá færslu en í henni má sjá Kristjönu að fá sér nikótínpúða, akkúrat þegar myndavélarnar beindust að henni. „Má aðeins hafa gaman mamma þarf að djamma SLAKIÐ Á!!“ skrifar Edda við færsluna sem hefur fengið fjölmargar aðrar athugasemdir en í þeim langflestum er Kristjönu fagnað.
Sjá einnig: Úrslit Eddunnar 2022
„Ég er búinn að horfa á þetta 70 sinnum með meiri aðdáun hverju sinni,“ segir til að mynda fatahönnuðurinn Guðmundur Jörundsson. „Kristjana er snillingur,“ segir svo handboltagoðsögnin Logi Geirsson. „Hafa gaman,“ segir svo Kristjana sjálf.
Gleðileg jól bara frá okkur á Eddunni 🎄😂😂 pic.twitter.com/8JjyiAUru6
— Edda Sif Pálsdóttir (@EddaSifPalsd) September 18, 2022